علق الإعلامي أحمد موسى؛ على زيادة مدة انقطاع الكهرباء من ساعة يوميا إلى ساعتين مشيرا إلى أن الجهات المعنية لم تبلغ المواطن بهذا الأمر.
وقال موسى خلال برنامج “على مسؤوليتي” المذاع على قناة “صدى البلد”: “أنا حابب أتكلم دقائق في موضوع الكهرباء؛ احنا اتعرضنا لازمة كبيرة في يوليو الماضي وكان عندنا تخفيف احمال 3000 ميجا وهو رقم كبير ثم بعد كدة بدانا ننزل شوية إلى 2600 تقريبا وبعد كدة نزلنا بتخفيف الاحمال دة معناه أن ساعات قطع الكهرباء أقل؛ وصلنا ألفين ثم وزارة الكهرباء استقرت عند 1600 ميجا تخفيف احمال يوميا ودة معناه ساعة والناس كانت متحملة والناس مشكورة”.
وأضاف: “الناس تحملت ساعة ومفيش أي كلام؛ اليومين اللي فاتوا بدل الساعة بقوا اتنين؛ فارتفعنا بدل 1600 إلى 2000 ميجا وهناك زاد تخفيف الاحمال شوية وبدأت الناس تكلمني وتقولي الكهرباء قاطعة”.
وتابع: “صدر أمبارح الساعة يمكن 7-8 مساءا وشخصية محترمة مسؤولة قالي هتكلمني عن الكهربا قلتله أه قالي خلال اعتبارا من بكرة ساعة واحدة والكلام دة كان امبارح سبعة ونص تمانية وقالي خلاص من بكرة هتبقى ساعة واحدة اللي هو النهاردة ومن اليوم اصبح تخفيف الاحمال ساعة واحدة”.
وواصل: “كان المفترض الحكومة وتم الإعلان معايا شخصيا أن أخرنا منتصف سبتمبر يعني امبارح؛ احنا داخلين على مدارس وإن شاء الله أتمنى يكون في تطمينات للناس يوضح للناس الموضوع ده هيستمر معانا قد ايه ونهاية الشهر عندنا مدارس ولازم الناس تبقي عارفة هنفضل على هذا الأمر أسبوع أو اتنين؛ قيمة الشعب دائما أنه يتحمل الظروف الصعبة ولكن يحب أقوله خلي بالك معلش عندنا ظروف”.
وأوضح: “الرئيس النهاردة كان واضحا للغاية وقال إن الموازنة كانت على 60 دولار للبرميل والنهاردة بقي 90؛ عندنا أزمة دولار أه ومن كرم ربنا أن عندنا غاز لأن 65% من محطات الكهرباء شغالة بالغاز الطبيعي”.
وأكمل: “الحكومة بتتكلم عن ساعة ومفيش حد بيقولك رسمي؛ أنا اللي بقولك من خلالي على مستوى الشخصي محدش بيطلع يتكلم الرئيس هو الوحيد اللي طلع أتكلم النهاردة ولكن أنا شخصيا بطلب كالعادة أن نوضح للناس قدامنا قد ايه”.
واختتم: “الناس من شهر يوليو متحلمين معندهمش مشكلة وحتى لو هزود في يوم كان لازم يطلع بيان صغير يا جماعة اعتبارا من بكرة معلش عندنا ظرف طارئ والمواطن هيتحمل”.
