الموزع “الوايلى” يحذر من التعاون مع سمر طارق..بسبب أغنية سفاح الجيزة (صور)
حذر الموزع الموسيقي الوايلي أصدقائه من التعاون مع المغنية سمر طارق، وذلك بعد انتهاء عرض مسلسل “سفاح الجيزة” ونجاح أغنيتهما سويا “عتمة”.
وكتب الوايلي عبر حسابه بموقع Facebook: “مساء الفل .. مبسوط ان سفاح الجيزة خلص وكنت مستنى اللحظة دى عشان اقول حاجة مهمة دى اخر مرة فى حياتى هتعامل فيها مع سمر طارق، لأسباب كتيرة جدا اولهم عدم الاحترافية والمهنية، وثانيهم محاولاتها في إنكار أي دور ليا في أي حاجة لدرجة توصل انها بتكدب كدب صريح فى الانترفيوز لمجرد انها تدى كريدت لنفسها على حاجة معملتهاش”.
وتابع: وأنا بكتب دلوقتى حسيت ان كمية المواقف الى مش لطيفة الى هى كانت السبب فيها او الادارة بتاعتها السبب فيها على مدار السنة الى فاتت كلها سواء فى تراك لو بتاع الهرشة السابعة او عتمة كتيرة اصلا على انى اشرحها او اتكلم عنها .. فا هكتفى بأنى احذر صحابى البروديوسرز منها وخلاص .. وبجد بتمنى الظروف متستدعيش اقعد احكى كل موقف حصل فيه ايه عشان مش دا الى حابب اكون بضيع وقتى فيه الفترة الجاية
وعلق الفنان أحمد فهمي على مسلسل “ سفاح الجيزة ” و ذلك بعد انتهاء عرض المسلسل مساء أمس من خلال منشور كتبه على صفحته الرسمية عبر موقع تبادل الصور و الفيديوهات “ انستجرام ” .
