تضامناً مع شعبى ليبيا والمغرب.. تامر حسنى يقود حملة تبرع لخدمة الإنسانية
كشف الفنان تامر حسنى عبر حسابه بموقع التواصل الاجتماعى “فيس بوك”أنه يقود مبادرة للتبرع بالدم إلى أهالى دولتى المغرب وليبيا.
وجاء النص المكتوب، على النحو التالى:
“مساء الخير عليكم، شبابنا وكل أهالينا فى مصر طبعاً كلنا شوفنا اللى حصل في المغرب و ليبيا و أكيد كلنا فى أشد حالات الحزن و نفسنا نعمل حاجه كلامي للّى قادر.. واللى مش قادر جزاه الله كل خير لو كثف الدعاء لاهالينا و اخواتنا”.
“مش هطول عليكم.. يا جماعة عندنا فى مصر جمعية الهلال الاحمر المصرى بجد ناس ليهم الجنة ان شاء الله انا فخور بيهم أوى وبحبهم أوى من كل قلبى، دول ناس رحيمه وهبوا حياتهم لخدمة الإنسانية و كل يوم عندهم شباب جميل متطوع لخدمة الانسانية”.
“الحقيقه أن أنا بمشيئة الله دايماً معاهم فى كل ازمة بتقابل مصر أو أى شعب عربى بس اكيد انا مش كفايه.. أتمنى من كل مصرى أنه يهتم بالجمعية العظيمة الرحيمة دى ويحاول يقدم أى دعم و لو بسيط ليهم، وأتمنى أن اللى ميعرفهمش يحاول يعرفهم كويس عشان لو عرفهم و عرف دورهم وإزاى بيخاطروا بحياتهم عشان سلامة وإنقاذ البشر هيبصلهم بنظرة عظيمة تانية”.
“من قلبى كل المواساة لأهالينا فى المغرب وليبيا ومن أرض مصر بنقولكم كل مصر معاكم و خالص تعازينا لاسر الضحايا من أهالينا وكل الدعاء لعودة وسلامة المفقودين منهم ربنا يصبركم ويحفظكم ويحفظ أمتنا العربية”
