أحمد حلمى: أبحث عن عمل جديد مختلف يلقى قبولاً من الجمهور

كشف الفنان احمد حلمى، عن سر غيابه الطويل عن الشاشات فى البرنامج الذى حلَّ فيه ضيف على الإعلامى أنس بوخش.

وأكد حلمى:”ما أكثر الأفلام الخفيفة وهذا لا يعيبها، ولكنى أبحث عن عمل جديد مختلف يلقى قبولًا من الجمهور، لذلك أنا غائب عن المشهد الفنى منذ فترة لأنني لم أجد فيما أرغب فى عمله”.

وعن سر غيابه عن الشاشات قال:”أنا عايز أروح لحاجة مش الناس تقول عليها تقيلة لكن نفسي أبقى مبسوط وفرحان أوى بعملها، حاجة بتؤرقك نفسك تتكلم عنها شايفة آفة فى المجتمع نفسك توصلها وتغيرها، ولو الوقت بيروح والدنيا زنقت هجيب عمل خفيف ورسالته الناس تضحك وتنبسط وهعمله”.

وأردف:”فى أوقات كنت بحب الشهرة خاصة بداية حياتى ولما الناس عرفتنى فى الشارع وبيتفاعلوا معايا، بس ما بقتش أهتم بيها أكتر ما بحب أعمل عمل فني كويس يبسطنى ويبسط الناس، والشهرة خدت منى حاجات لها علاقة بحريتى”.

وتابع:”علشان كنت فى الحضيض، عمرى ما كنت أحلم أو أتخيل فى يوم من الأيام يكون معايا فلوس، ولا تخيلت إنى انجح فى ثانوية عامة والحمد لله نجحت، عمرى ما حلمت يكون معايا فلوس وبقى معايا فلوس، ولا كنت أحلم بالشهرة وبعدين وصلت للشهرة والفلوس مش أهم حاجة فى حياتى”.

وفى حديث عن زوجته منى ذكى، أشار:”احنا متجوزين من 2002 وأهم شئ فى نجاح الزواج وجعل العلاقة سعيدة إن الإتنين يوصلوا للغة تالتة مشتركة يفهموا بعض من خلالها، وأنا أشوف نفسى كأب كويس وأنا مش الأب العصبى ولا العنيف الجامد الناشف فى تعامله مع ولاده”.

وانهى حديثه قائلاً:”أكتر حاجة بصرف فلوسى عليها هى السيارات، وأنا الحمد لله إنسان سعيد”.