أحمد مكي : أنا إنسان أقل من البسيط.. وليَّ أخطاء في حياتي ندمان عليها (صور)
علق الفنان أحمد مكي على الأحداث الأخيرة بفلسطين والممارسات الوحشية التي يرتكبها الكيان الصهيوني في حق الشعب الفلسطيني بالفترة الأخيرة.
تعليق أحمد مكي على أحداث فلسطين
ونشر “مكي” مقطع فيديو على صفحته الرسمية عبر موقع التواصل الاجتماعي”فيسبوك “، وعلق قائلا: ” فيه حديث عن النبي عليه الصلاة والسلام بيوصف الحال بالظبط يعني مبهر بصراحة، يوشك الأمم أن تداعى عليكم كما تداعى الأكلة إلى قصعتها، فقال قائلا ومن قلة النحل، قال من أنتم يومئذ كثير ولكنكم غثاء كغثاء السيل”.
وأضاف: ” تشبيه عبقري، الغثاء هو كل ما هو ملوش وزن وبيطفو فوق السيل، الفقاقيع اللي بتفرقع والزبد – ولينزعن الله من صدور عدوكم من مهابة منكم وليقذفن الله في صدوركم من وهم، فقال قائلا وما الوهم، قال حب الدنيا وكراهية الموت”.
وتابع: “حب الدنيا وكراهية الموت ميجتمعوش أبدا مع فكرة الإيمان، لأن اللي عنده إيمان حقيقي من جواه هيبقى حابب ويتمنى إنه يستشهد في سبيل الحق، والحق هو الله “.
واستكمل:”أنا بس عايز أقول نقطة قبل ما أكمل في الحتة دي لإن السوشيال ميديا أغلبها بتاخد أي حتت تقصقصها وتعمل منها أفلام بعيد عن الموضوع الحقيقي، وأنا لا أدعي أبدا إني رجل دين، ولا أدعي إني مثالي بالمرة، بالعكس أنا إنسان بسيط وأقل من البسيط بكتير، إنسان بخطئ و أصيب وبخطئ وبستغفر وأكيد ليا أخطاء في حياتي ندمان عليها وبدعي ربنا يغفرلي، ربنا يهديني ويهديكم جميعا ويهدي الناس كلها”.
أنا إنسان أقل من البسيط.. وليَّ أخطاء في حياتي ندمان عليها
وتابع “ وربنا من رحمته يعني أنا ملاحظ إن من قبل ما تشتد أحداث فلسطين، فيه ندر ربنا نزلها كتير يعني الأعمى يشوفها زلازل وبراكين وخسوفات وأوبئة، احنا عايشين في وقت نذر، الله سبحانه وتعالى من رحمته بينزل النذر قبل الأحداث العظام، واحنا داخلين على حاجات عظيمة والكلام ده موجود في الدين، اللي جاي لازم الإنسان يحدد فيه موقفه، كإنها فرصة علشان الناس ترجع للطريق السليم، والطريق السليم هو طريق الله من غير أي أجندات ”
