كشف الفنان أمير شاهين، عدة تصريحات عن ارائه الشخصية، ومنها رأيه في لقب نمبر وان، وذلك خلال تصريحات تليفزيونية.
وقال أمير شاهين: مفيش حاجة اسمها نمبر في السنيما أو الدراما لأن في فنانين كتير كلهم صف أول وناجحين جدًا وبيعملوا إيرادات كبيرة جدًا فكلمة نمبر هي كلمة كبيرة .
وتابع أمير شاهين أنه راضي عن نفسه وعن أداءه وتواجده في الأعمال الفنية آخر فترة وأن كلهم شخصيات جديدة وعجبت الجمهور.
واستكمل أمير شاهين: أن كل تصريحات الفنانة إلهام شاهين بتفتح النار عليها وهي دايما مثيرة للجدل هي صريحة زيادة عن اللزوم وبتجادل معاها أنها ليه قالت كده في تصريحات معينة ولكن في الاخر بدعمها في كل آراءها.
وأوضح الفنان أمير شاهين أنه يوافق الفنانة إلهام شاهين في تصريحها بالتبرع بأعضاء الجسد بعد الوفاة وأن ده حاجة إنسانية وخير وموجود في أوروبا ولو بقيت شرعية في مصر أنا هتبرع بأعضاء جسمي.
وأردف أمير شاهين: أنا من أوائل أولاد الفنانيين اللي ظهروا وكان دايما بيتقال من وأنا صغير أني بشتغل علشان اختي ولكن الحمد لله أنا قدرت اثبت نفسي واشتغلت مع مخرجين كبار ماحدش يقدر يفرض عليهم حد زي المخرج محمد سامي والأستاذ علي عبد الخالق.
وأشار الفنان امير شاهين إلى أن الواسطة في المجال الفني عطلتني ولكن في الآخر الموهبة هي اللي خلتني اوصل للجمهور واخدت جائزة مهرجان اسكندرية احسن ممثل شاب وجائزة المهرجان الكاثوليكي.
واختتم أمير شاهين حديثه قائلًا أنه تخلي عن الطيران حلم الطفولة بسبب التمثيل بعد دراسة سنتين طيران مدني واشتغل سنة طيار في شركة خاصة
