أحمد إبراهيم خليل
إضرب زيادة ،، عارفك دى عادة ،، إنك جبان
هتفضل خسيس ،، فيرس خبيث ،، إسمه كيان
أنا مش بساوم ،، على أرضى أقاوم ،، مفيش ليك مكان
إبنى الجدار ،، هتفضل يافار ،، مرعوب كمان
أخدت أرضى ،، قتلت أهلى ،، عايزنى أسيبك
سرقت مالى ،، قلبت حالى ،، حالف لأجيبك
ملكش لزمة ،، ياكعب جزمة ،، للأمريكان
بحاجات بسيطة ،، ياابن العبيطة ،، يا أبوجيش مٌهان
حطيت عليك ،، ياما قلت ليك ،، مسمعتنيش
أنا مش ذليل ،، ودا كان دليل ،، مفهمتنيش
لو فاكر سلاحك ،، هيقتل إرادتى ،، معرفتنيش
دا أرضى إستحالة ،، أسيبك ياعالة ،، عليها تعيش
قتلت كام ،، مبسوط تمام ،، إستنى إللى جاى
هديت بيوت ،، عايزنى أموت ،، أنا لسه حى
ضربت المساجد ،، ضربت الكنايس
يامجنون وهايج ،، على الكل دايس
ما العلقة شديدة ،، مفاجأة وجديدة
آه ياجيش بيقهر ،، بحتة حديدة
مش هتشوف مكاسب ،، يا لاجئ وغاصب
على جرمك هحاسب ،، فى الوقت المناسب
