علقت الفنانة غادة عبد الرازق على ما يكتب عنها في مواقع التواصل الاجتماعي بسبب ظهورها في دور المرأة القوية في أعمالها مؤكدة ان هذه التعليقات تضحكها فهي في النهاية امرأة عادية ولا تستطيع أن ترفع صوتها على زوجها.
وقالت غادة عبد الرازق خلال لقائها في برنامج “الرديو بيضحك” من تقديم فاطمة مصطفى عبر إذاعة “الراديو 9090”: “بضحك على التعليقات وبقول أن دا بتشوفوه في الشاشة أنا أه من صغري شيلت المسئولية لكن أنا ست زيكم وعمري في حياتي ما هكون مرتبطة بشخص وأنا مش بحترمه مينفعش مرتبطش بيه أصلا الراجل رجل والست ست ولازم احترمه ولو يوم وصلنا أننا نقف في وش بعض هقوله لازم نقف وإننا لا نصلح إننا نكون أزواج عمري أهزأ الراجل أو أعلي صوتي عليه”.
كما طالبت النجمة غادة عبد الرازق الصحفيين والإعلاميين الذين يجرون حوارات معها بعدم سؤالها مجددا عن خلافها القديم مع المخرج محمد سامي.
وقالت غادة عبد الرازق خلال لقائها مع الإعلامية فاطمة مصطفى في برنامج “الراديو بيضحك” المذاع عبر الراديو 9090: “عايزة أقول للصحفيين بلاش تسألوا مرة ثانية في الموضوع، المفروض تقدموا الجديد والحاجات الحلوة، هتفضلوا طول عمركم عايشين على القديم؟”
وأضافت: “إحنا بقينا في 2024 حرام عليكم، الناس هتعيش في الفضاء السنة القادمة، وإنتو بتتكلموا في غادة عبد الرازق ومحمد سامي!”
وتابعت: “آخر مرة في برنامج كان في سؤال مش لطيف عن تصريح لمي عمر، وقلت عندها حق تدافع عن زوجها، أنا وأخويا على ابن عمي، وأنا وابن عمي على الغريب. هل عايزها تسيب زوجها أبو عيالها علشان غادة عبد الرازق، أنا لو مكانها هعمل كده”.
