ألقت أجهزة الأمن بالقاهرة، القبض على السائق المتهم بمحاولة خطف فتاة بطريق السويس في الشروق ما تسبب لها في إصابات عديدة نزيف داخلي كسور وسحجات وتم نقلها إلى المستشفى على إثر ذلك.
وقال مصدر أمني، إن أجهزة الأمن تفحص الواقعة للوقوف على ملابساتها والوصول للمتهم حيث وقعت بنطاق منطقة الشروق.
تعرضت فتاة لمحاولة اختطاف داخل سيارة تابعة لشركة توصيل شهيرة بالقاهرة وتداول رواد منشورات لواقعة تعرض فتاة تدعى حبيبة الشماع لمحاولة اختطاف.
وجاء فى منشور متداول على نطاق واسع لأحدى قريباتها “انا بكتب بوست ده علشان احكي ليكم اللي حصل لبنت عمي علشان اولا عاوزاكم تدعولها ربنا يشفيها و يرجعها لينا بالسلامه حالتها لسه في خطر” وأضافت ” حبيبه فاقدة الوعي وعندها نزيف في المخ مش بيوقف ومحطوطة علي ventilator”.
وتابعت ” ثانيا خدو بالكم من نفسكم و من بناتكم الناس بقوا مؤذيين ربنا يبعد عنا شرور الناس وان حبيبة استقلت سيارة من التجمع الاول وكانت رايحه مصر الجديده الساعه ٦:٥٠ مامتها كلمتها في التليفون مكنتش سمعاها كويس علشان صوت الكاسيت كان عالي اوي والراجل كان بيتخانق فالتليفون حبيبه طلبت منه يوطي الكاسيت قالها لاء وكان بيبرطم بالكلام مامتها مكنتش سامعه هو بيقول أيه قالتلها ماله ده حبيبه قالت لها مش عارفه ماله و قفلت بعدها”، واشارت ” اصحاب حبيبه كلموها يشوفها وصلت فين رد عليهم واحد قال لهم صاحبت التليفون دي وقعت من العربيه قعدت تتشقلب لحد مخبطت في الحاجز الاسمنت اللي على طريق السويس ولما راح يسالها ايه اللي حصلك قالت Uber كان عاوز يخطفني وجالها تشنجات وفقدت الوعي”.
واوضحت ” انا معرفش حصل ايه يخوفها بالشكل ده ترمي نفسها والعربيه بتجري بس انا عارفه كويس ان حبيبه بتخاف علي نفسها واكيد هو رعبها والسواق اختفي بعد وقعت ولا طلب إسعاف ولا وقفلها وقفل موبيل “، واختتمت انا عاوزه اختي ترجعلنا ادعولنا انا عاوزه اجيب حقها ربنا ينتقم منه اشد انتقام”
