رامز جلال يسخر من ميريهان حسين وانتصار :”مشاكلهم ومحاضرهم ملت الأخبار”.

استضاف الفنان رامز جلال، الفنانة انتصار، والفنانة ميرهان حسين، في برنامج “رامز جاب من الآخر”.

وقدم رامز جلال ميرهان حسين وانتصار قائلا: “مشاكلهم ومحاضرهم ملت الأخبار”

وقال رامز جلال: “النهاردة معانا جوز اللبط اللي بيثيروا اللغط، وجوز خيل عايز يتربط، واحدة بتتخانق مع دبان وشها، فنانة لسانها طويل وحيزبونة، والموضوع وصل إنها بقت مجنونة، وضيفتنا الثانية غندورة وسنيورة، لكن للأسف مخها لاسع ومهبوشة وبحالات، مرة متوهجة ومركزة وبتعمل مسلسلات، ومرة هبطل تمثيل واعتزل وانسى كل اللي فات، ولما رجعت فتحت صفحة الارتباط والجوازات، وفجأة عملت بوست وقالت خطيبي سابني لوحدي، فيها إيه لما خطيبك يسيبك علشان واحدة تانية، صدقيني يا أختي مش آخر الدنيا”.

سخر رامز من إطلالتها قائلا: “المزة اللي مثبتة الساحل كله تتخض كده، إيه جاكيت جمعة الشوان ده؟”

وسأل رامز ميرهان قائلا: “ميرهان تتعمد نشر صور جريئة وملفتة على السوشيال ميديا لزيادة عدد المتابعين”، لترد قائلة: “دي صور عادية”.

وعلق رامز بسخريه على إطلاله إنتصار قائلا: “إيه تسريحة ملكة الجان دي؟ ضاربة كليم فوق القميص وجايباه من كرداسة، وإيه تسريحة شفيقة ومتولي دي؟”.

وسأل رامز انتصار قائلا: “انتصار تشعر بتأنيب الضمير لأنها ظلمت شيماء سيف”، فأجابت قائلة: “الموضوع من 12 سنة وزهقت منه، إزاي أصالح واحدة كل سنة تطلع في برنامج تتكلم عني وتقبض؟”