مصطفى حسني: عندنا بلد قوية راسخة ..والشهداء بذلوا مجهود كبير

تحدث الداعية مصطفى حسنى خلال الندوة التثقيفية الـ39 للقوات المسلحة بمناسبة الاحتفال بيوم الشهيد: إحنا متجمعين النهارده علشان عندنا دولة قوية راسخة أمنة، وهذا كان له ثمن هو أبطالنا آبائكم .

وتوجه بكلمته لأبناء الشهداء: أبائكم كانوا بيخشوا بصدرهم، والدنيا بتمطر قذائف ورصاص، علشان يواجهوا قوى الشر اللى كانوا عاوزين يهدوا كيان هذه البلد، وإحنا كنا بنستخبى من المطر وندخل بيوتنا.

وأضاف: إحنا جايين النهارده علشان نقول شكرا، كنا بنستخبى من قرايبنا وحبايبنا وقت الكورونا ووالدتك يا “ديجا” كانت بتروح تسهر جنب العيان علشان تطمن عليه كام واحد، ربنا شفاه ورجع عايش بينا، ووالدتك راحت عند ربنا عاشت وسط الأنبياء، المرة اللى جاية اللى هنشوف فيها بابا وماما هيبقى يوم القيامة لابسين تاج الوقار الياقوت فيه خير من الدنيا، وما فيها زى ما قالنا النبى وإن شاء الله يمسك أيديكم ويتمشى ويتشفع لـ70، وإن كان حصل فراق في الدنيا، اللمة هتبقى كبيرة قدام بيت ابنكم في اول يوم في الجنة .

وأكد: ويبقى الأثر في أيدينا أمانة بلد وصية الأنباياء وشهداءنا ومصابينا بذلوا المجهود، وتحقق المقصود أدخلوا مصر إن شاء الله أمنين والدور علينا سطر قاله العلماء علشان يقولك فين جهادك بيقولك مقامك حيث أقامك علشان يقولك إن كل مكان ربنا حطك فيه هو مكان عبادة، وجهاد أيها الموظف والعامل شد حيلك وخلى ربك يشهد قبل الكاميرات.