تحدثت الفنانة مني ذكي عن أولادها وزوجها الفنان أحمد حلمي خلال لقائها في برنامج “BigTime Podcast”، مع الإعلامي عمرو أديب المعروض على قناة “MBC1” وقالت: لي لي بنتي الكبيرة بتدرس هندسة معمارية في جامعة برايتون ببريطانيا، هي فنانة بترسم وأنا فخورة بيها جدا وبسافر ليها دايماً عشان أطبخلها هيا وأصحابها.
وتابعت في حديثها خلال برنامج BigTime Podcast”، مع الإعلامي عمرو أديب”أحمد مش بيفهم في الأكل، يعني لو حطيت ليه لحمة معاها حاجة مش هيفهم إيه الحاجة دي، بياكل اللي بيتحط ليه، ودا مش معاناه إني بطبخ وحش”.
وكشفت منى ذكي عن تجربتها للإنجاب بعد سن الأربعين وقالت:” التجربة صعبة أوي ومخيفة أكثر، لأنك مش عارف هتعيش لهم أد إيه، وهتوصل معاهم لأي مرحلة، فتبقى نفسك تديهم كل حاجة، إنك تحاول تبسطهم ده مجهود رهيب في الأربعينات ومش سهل، مفيش نفس الطاقة لكن في حنية وفهم أكثر، كانت الأول زعزوعة لوحدها يا حرام، وبعدها جيبت الإثنين ورا بعض”.
وردا على سؤال ما هي أبرز صفات نجليها، قالت منى زكي: “عندنا واحد هو عادل ابن الناس الكويسين في فيلم سهر الليالي، سليم اللي عمره 9 سنين، دكتور في نفسه ومهذب أوي وحساس وزوق جدا والثاني بلطجي خالص ومخوف البيت كله، وكفاية نظرته وإنك مش متوقع أبدا رد فعله”.
قالت الفنانة منى زكي إن تبادل القبلات مع زوجها النجم أحمد حلمي درس يحرصان على تعليمه لأولادهما”كل ما نشوف بعض لو خارجين ورجعنا بنبوس بعض علشان نعلم ولادنا يعملوا كده، وأحمد والله العظيم ساعات أشوفه تحصل عندي ضربات قلب هو أحسن راجل شوفته بعد بابا”.
وردا على سؤال كيف يتصرف أحمد حلمي عندما تتعرض لانتقادات، قالت منى زكي: “دايما لما الناس تشتمني يسألني تعرفيهم، ناس لا يعرفوكي ولا تعرفيهم ليه يأثروا فيكي، وهو أكبر داعم مهما كان الموقف كبير، لأنه عارف نيتي وعارف إيه أحمد حلمي داعم جدًا لي في مواقف كثيرة».
