تعرف على رأى رضا عبدالعال فى صفقات الزمالك.. ولن تصدق حديثه عن فاروق جعفر
هو أحد أمهر من أنجبت الكره المصريه معشوق الجماهير البيضاء حقبه لعبه لنادي الزمالك و بقدر حبهم و عشقهم لرضا بقدر صدمتهم عند إنتقاله للغريم النادي الأهلي ليفتح الباب لكل من بعده بالإنتقال من الزمالك للأهلي و العكس و بقدر نجوميته في الكره كانت نجوميته في الفضائيات و استديوهات التحليل و معظم توقعاته التي تصيب دائما و توقعه لنا اليوم في الحوار بمصير الأهلي و الزمالك في افريقيا كان لنا مع هذا الحوار مع الكابتن رضا عبد العال .
عند إنتقالك من النيل للأدوية إلي نادي الزمالك طبعا كانت نقله كبيره إيه إحساسك و انت تلعب مع نجوم كنت تشجيعها بالأمس و اصبحت زميل ملعب لهم ؟ كانت فرحه غامره خاصه أنني زملكاوي و إنتقلت للنادي اللي بحبه و بشجعه و كنت بحب جدا الكابتن فاروق جعفر و كان مثلي الاعلي لذلك كانت الفرحه فرحتين إضافة إلي ذلك إحتضني كل نجوم الفريق ولم يشعرني أحد أني قادم من نادي صغير مما أعطاني دفعه للتألق و الظهور بشكل مميز وسط هذه الكوكبه من النجوم و الفضل يرجع للكابتن عصام بهيج رحمه الله عليه .
تفسيرك لعدم ضمك للمنتخب كثيرا علي الرغم من تألقك بشده مع الزمالك و كذلك كابتن حماده عبد اللطيف و يعتبر كابتن حازم إمام استثناء ؟فلسفه كابتن محمود الجوهري كانت دفاعيه بحته و كان ضد النجوم المهاريين و ده محصلش معانا بس يوجد ايضا كابتن احمد العجوز نجم الإسماعيلي كان مكسر الدنيا و مبيضمش منتخب و لأن اللاعيبه دي كان ليها جمهور بتروح تهتف ليهم في الملعب و الكابتن الجوهري رحمه الله عليه مكنش بيحب النقطه دي و يعتبر كابتن حازم إمام استثناء اولا هو كموهبه ميختلفش عليه 2 ثانيا الاحتراف في ايطاليا فرضه علي المنتخب و علي الكابتن الجوهري .
صرحت أنه في حاله هزيمة الأهلي من بيرامدز سيلغي الدوري ممكن توضيح ؟ قولت كده بناء علي تصريح قرأته لكابتن حسام حسن أن الكابتن الجوهري كان معاه حق لما لغي الدوري بعد وصولنا كاس عالم 90 و ده تمهيد لإلغاء الدوري خاصه لو فاز المنتخب في مباراه بوركينا فاسو سيتمسك بإلغاء الدوري لعمل معسكر للمبارتين التاليين للوصول لكأس العالم مع العلم أنه لو عمل معسكرات طويله مش هيضم فيها اللاعيبه المحترفين اللي بينضم قبل المباراه ب 3 ايام و هيلعب بيهم مش بالمحليين يبقي المعسكرات الطويله ملهاش لازمه لأن المنتخب بيلعب بالمحترفين و في حاله هزيمه المنتخب و هزيمه الأهلي الحسابات هتتلخبط اكتر و هيبقي في إصرار علي الغاء الدوري حتي لا يضيع حلم التأهل لكأس العالم .
تقيميك لصفقات الزمالك حتي الآن ؟ البارز قوي ناصر ماهر و بعده احمد حمدي و عبد الله السعيد ظهر بشكل حلو في الديربي و إن شاء الله راجع بقوه لمستواه .
تقيمك للمدير الفني للزمالك حتي الآن ؟ معندوش فكره
ما الذي ينقص إداره الزمالك لتنعم بالإستقرار فتره طويله ؟ يحتاج المجلس إلي قرارت قويه لان بصراحه المتربصين كتير .
تفسيرك إن الزمالك بيجيب اعلي محترفين في تاريخ مصر زي كوارشي و ايمانويل و بن شرقي و ساسي و يرحلوا بعد سنه و اتنين مفيش تجربه بتكمل في عز ارتباط الجمهور بهم ؟ نادي الزمالك به العين الحلوه اللي بتشوف كويس و بتعرف تختار و بتجيب اللاعيبه مهاريه تناسب لعب نادي الزمالك اكتر من اللاعيبه الجراية و بعد ما اللاعب بيلعب في الزمالك و يظهر. و يتبروز كل الانديه بتتهافت عليه و تجري وراه و متكملش التجربه
رأيك في تجربه محترفين شمال افريقيا في الدوري المصري زي ساسي و بن شرقي و معلول ؟ طبعا تجربه قويه جدا أضافت حلاوه و متعه للدوري المصري طبعا ده بجانب اللاعيبه الموجوده .
رأيك في نتيجة الديربي هل كانت عادله ولا كانت تستحق نتيجه أخري ؟ انا رأيي أن ال 2 المدربين كانوا بيعكوا و لو كان عندهم فكر كروي كنت هنشوف النتيجه 3/3 أو 4/3 أو 5/4 بس للاسف ال 2 علي قدهم و علي باب الله .
رأيك في ابراهيم نور الدين في اداره مباراه الديربي ؟ابراهيم نور الدين هو نجم المباراة الأول
هل انت مع الحكم المصري أم الأجنبي في الديربيات ؟طبعا مع الحكم الأجنبي هنا الإعلام بيعمل ضغط علي الحكم المصري ابراهيم نور الدين كل المواقع و القنوات بتهاجمه من قبل الماتش ب 3 ايام و النادي الأهلي بينجح في الحته دي قوي و ارجع لمباراه نهائي افريقيا الماضي و الحمله اللي عملوها علي حكم المباراه حسين الشحات لما شد تيشرت الحكم كان المفروض يتطرد و لكن من الضغوط اللي علي الحكم مطردوش و دي حاجه تحسب للأهلي.
توقعك لمسيرة الزمالك و الأهلي في إفريقيا ؟ إن شاء الله حصول الزمالك و الاهلي علي بطولتين دوري الأبطال و الكونفدرالية و لقاءهم في السوبر الإفريقي .
شكرا يا كابتن مصر علي الحوار الممتع و بالتوفيق إن شاء الله
