أكد الإعلامي عمرو أديب، أن مراجعة صندوق النقد الدولي عن الاقتصاد المصري كشفت الكثير من البيانات، مشيرا إلى أنها أوضحت كيف سيتم إنفاق أموال صفقة رأس الحكمة بجانب الإشارة إلى عدد من الأمور الأخرى مثل برنامج تخارج الدولة وبيع الأصول.
وقال أديب خلال برنامج “الحكاية” المذاع على قناة “أم بي سي مصر”: “مراجعة صندوق النقد في اجتماع الربيع اللي بيتعمل؛ وقال كل حاجة عن مصر؛ لو حضرتك محتاج تعرف الإجابات الصندوق ينتظر من مصر إصلاحات في 15 نقطة”.
وأضاف: “الصندوق يترقب إصلاحات في 15 حاجة ويقول الصندوق إن مصر لم تلتزم إلا بنصف هذه الأشياء، الصندوق ينظر إلى أشياء معينة يجب أن أسعارها تزيد؛ الصندوق لا يأمر ولا يلوي دراعك ولكن بيديلك فلوس احنا اتفقنا مع بعض هتعمل الحاجات دي هتاخد الفلوس مش هتعمل مش هتاخد الفلوس”.
وتابع: “مفيش شرط أنت لازم تعمل ولكن في إحنا قعدنا مع بعض واتفقنا مع فلوس والفلوس دي هدفعها لما تعمل ولو مش هتعمل هنتظر جنبك لحد ما نشوف؛ الصندوق عنده مشاعر إيجابية أنه يساعد لاسباب كثيرة له علاقة بالموقف السياسي المصري في المنطقة”.
وواصل: “أنت هتقدر تعمل اللي هو عايزه؟ دا سؤال؛ من سنة أنا قلت الصندوق عايز 3 حاجات؛ هو عايز يشوف مرونة في سعر الصرف وحصل هو عايز يشوف تخارج الدولة وحصل والحاجات اللي هو طالبها اتعملت وعلى أساسه قالك أنت كنت هتاخد 3 بقوا 8 “.
وذكر: “التقرير موجود ومع كل الناس ولكن المسألة عايز تعرفوا ايه الحكاية؛ لان دا دستورنا الاقتصادي ومش غصب ولكن لو سمحت أحنا شايفين أنك لازم تمشي كده؛ الصندوق لا يجبرك على شيء”.
ووافق مجلس إدارة صندوق النقد في اجتماع انعقد في 29 مارس الماضي على توسيع برنامج القرض الحالي الخاص بمصر إلى 8 مليارات دولار، مشيرا إلى الأضرار التي لحقت بالاقتصاد على خلفية الأزمة في غزة.
وجاءت الموافقة بعد أسابيع من إبرام مصر والإمارات صفقة استثمارية غير مسبوقة بقيمة 35 مليار دولار، مما يخفف من أزمة نقص العملة الأجنبية.
