اختار الملياردير الأمريكي أنكور جاين مصر من بين عدة دول لإقامة حفل زفافه الذي استمر 7 أيام، بمظاهر احتفالية ضخمة من أمام الأهرامات وقصر محمد علي، وحضره العديد من السياسيين ورجال الأعمال البارزين في المجتمع الأوربي والمصري.
ما حكاية هذا الحفل ؟
العريس اسمه انكور جاين بليونير امريكي من أصل هندي من عالم ال tech
عنده شركته وسابقا كان نائب رئيس Tinder
العروس كانت مصارعه محترفه في WWE
اسمها اريكا هاموند و حاليا لديها برانذ ايكينوكس.
الثنائي زار مصر في أكتوبر ٢٠٢٣ و كان في رفقتهما زاهي حواس بنفسه و الي واضح انه حببهم في مصر و حلاوتها لدرجه ان العريس عندما قال للعروسه عايزين نعمل اجمد فرح في الكوكب تعالي نعمله في الفضاء.. قالتله لا انا عايزه اعمله في مصر
فى البداية ذهبوا إلى جنوب افريقيا و بعدين جم علي مصر..
الحفل هنا بقاله ٤ ايام و العريس و العروسه و المعازيم بقالهم كذا يوم في مصر بيتفسحوا و جايبين صحابهم و قرايبهم بطيارات خاصه.
اول يوم كان ريسبشن في قصر محمد علي.. و كل يوم حفله تحت الهرم بدي جي او مطرب عالمي
ماكس بارسيك و لانس يتاع ان سينك و فرق استعراضيه من كل الدنيا و الراقصات الي لابسين اخضر في غذاء انهارده دول فيهم بدره الراقصه بتاعت كامل العدد
من الحضور برضه رجال أعمال عالم التكنولوجيا الهنود و كمان كيفين اوليري بتاع ذا شارك تانك الأمريكي.
الضيوف مش بس اتبسطوا.. لو فتحوا كل منشن هتلاقي كل واحد منزل بالتلاتين ستوري و كاتب انه حاسس انه في حلم و الي كاتب اخلي ايام حياتي و الي كاتب ان بعد ولاده ابني الاقصر دي أجمل حاجه شوفتها
الضيوف مكان جايلهم بيجامات مكتوب عليها اسمهم باليهروغليفي و كمان كل واحد جايله سنيكر نايكي ايرفورس وان مكتوب عليها
AE
اللي هما الحروف الاولانيه من أسامي العروسين وكمان مكتوب عليها بالهيروغليفي.
وكان فيه مراكب شراعيه في النيل عليها اساميهم الأيام الي فاتت.
