ياسمين زين مطربة دار الأوبرا الصاعدة بسرعه الصاروخ
مصر دولة غنيه بالمواهب و الاصوات الجميله و تقدم لنا دار الأوبرا العديد من الأصوات التي نستمتع بها و التي تقاوم موسيقى و مطربي المهرجانات لتحافظ علي فنها الاصيل و علي الرياده الفنيه و الغنائيه من هذه الأصوات الجميله نجمه دار الأوبرا ياسمين زين الصاعدة بسرعه الصاروخ كان لنا معها هذا الحوار نتعرف علي بدايتها و أحلامها
عرفينا بنفسك ؟ أنا ياسمين زين مطربه مصريه درست الموسيقي العربية و مطربه بدار الأوبرا المصرية .
من إكتشف بك موهبه الغناء ؟ والدتي هي أول من إكتشفت عندي موهبه الغناء و بعد كده مدرسه الموسيقي بالمدرسه و حفلات الموسيقي بالمدرسه .
هل شجعك الأهل علي إحتراف الغناء ؟ وجدت صعوبه في أول الطريق لرفض الأهل فكره احتراف الغناء لرفضهم فكره مقابله ملحن للحصول علي لحن و مقابله شاعر غنائي و موزع و الذهاب للإستديو كان ذلك في بادئ الأمر بعد ذلك شجعوني ووقفوا بجانبي إلي الان
اكتر ملحن بينكم كيمياء و بينكم تعاون كثير و اكثر شاعر ؟ هو الملحن الكبير حمدي صديق لانه فاهمني جدا و هو الذي تبني موهبتي و قدم لي كل الاغاني حتي الادعيه هي من الحان حمدي صديق و اكتر شاعر هو وليد العيسوي .
ملحن تحبي تغني من ألحانه و شاعر تغني كلماته ؟كان نفسي جدا اغني من الحان العبقري بليغ حمدي كانت هتبقي حاجه عظيمه جدا في حياتي و من الملحنين الحاليين محمد رحيم بحب ألحانه و موسيقاه جدا و بحب عمرو مصطفي و الشعراء اتمني اغني من كلمات أيمن بهجت قمر و بهاء الدين محمد اتمني التعاون معاهم .
اكتر اغنيه نجحت ليكي و اكتر اغنيه بتحبيها ؟ يا أحلي أم و بعد كده اغنيه مسترجله اللي كان فيها تكنيك الصوت يشبه اغاني سميره سعيد و نجحوا نجاح حلو قوي و بحب كل الاغاني اللي غنتها زي بعض مفيش اغنيه محبتهاش و كل اغنيه ليها ذكري بالنسبه لي فكلهم حلوين .
اكتر مطربه بتحبي تسمعي أغانيها ؟ أنا بعشق بعشق ذكري و اتمني اكون زيها و بحب كمان صوت شيرين و الحب كبير قوي ورده .
رأيك في ظاهره المهرجانات ؟ ظاهره فارضه نفسها في الشارع و احترم تواجدها جدا لكن مش هتستمر ظاهره و هتعدي و اللي بيستمر و يبقي العمل الجيد
اخر أعمال الفنيه ؟ حاليا شغاله في كذا مشروع بس لسه متفقناش علي اسم
ليه مش بنشوف مطربين و مطربات بيمثلوا زي زمان زي حليم و فريد و ام كلثوم و ورده و نجاه ؟ الزمن اختلف مطربين زمان كان ناجحين جدا في كل حاجه عملوها و كانوا دارسين اللي بيعملوه كويس و كانوا فنانين شاملين و عندهم ذكاء فني .
اكتر مطربه مثلت جيد ؟ بالنسبه لي هي المطربه شيرين كانت عامله مسلسل طريقي بشكل حلو جدا و هايله و طبعا مي كساب لا خلاف عليها و ميختلفش عليها 2 .
افضل ممثله قامت بالغناء ؟ يسرا اكتر ممثله حبيتها و هي بتغني و أنا بشكل شخصي بحبها جدا .
لو تحبي تمثلي تحبي تقفي و تمثلي أمام مين من الممثلين ؟ احب أمثل و أقف قدام خالد النبوي ممثل ممتاز جدا جدا و عبقري و الناس اللي عارفه في التمثيل عارفه قدراته .
ليه مش بنشوف حفلات ليالي التلفزيون زي زمان و هل حل محلها موسم الرياض ؟ للأسف فعلا مش بنشوف حفلات ليالي التلفزيون زي زمان و توقفت بسبب الإنتاح و الاداره و حل محلها حفلات الساحل و علي استحياء تنقل قناه الحياه بعض الحفلات من مصر و طبعا موسم الرياض حل محل ليالي التلفزيون و أضواء المدينه وموسم الرياض كرم كل نجوم الموسيقى في العالم العربي و الغربي .
هل عصر السوشيال ميديا أضاف للمطربين ام أخذ من رصيدهم عند الجمهور ؟ طبعا أضاف نجاح للمطربين و رصيدهم زاد و انتشارهم اكتر بس مع ناس ناس و في ناس نجحت علي السوشيال ميديا و تستحق النجاح طبعا السوشيال ميديا مهمه جدا للنجوم سواء نجوم كبيره او صغيره
في نهايه اللقاء احنا بنشكرك يا فنانه علي الوقت الجميل اللي كان معاكي و نتمني لك التوفيق في القادم و تعملي اغاني تكسر الدنيا اكتر
