أكد الإعلامي أحمد موسى، أن الأراضي المصرية مؤمنة بشكل كامل، مشيرًا إلى أن القوات المسلحة تقوم بتأمين الدولة من كافة الاتجاهات الاستراتيجية.
السيادة المصرية
وقال موسى، خلال برنامج “على مسؤوليتي” المذاع على قناة “صدى البلد”: “حد انتهك السيادة المصرية؟ لأ، طيب حد هينتهكها؟ لأ، طيب لو حصل؟ لكل حادث حديث، حد قرب لنا؟ لأ، حد اعتدى على أمننا القومي؟ لأ، أنا روحت رفح وروحت غزة وبالتالي تعدي هذه المنطقة وتعدي من بواباتنا تبقى داخل المنطقة العازلة اللي هي محور فيلادلفيا، ودي مش جزء من أرضي، دي جزء من أرض فلسطين وتدخل تكمل لحد ما تروح رفح الفلسطينية اللي مسيطر عليها إسرائيل”.
وأضاف: “معبر رفح الفلسطيني بالنسبة للإسرائيليين هو المفتاح، النهاردة بيتكلم نتنياهو وقالك قتلنا مجموعة من 22 واحد من كتائب حماس اللي موجودين على المعبر الفلسطيني وهيفضل تحت سيطرتهم”.
وتابع: “هما النهاردة عايزين يكملوا في رفح؟، هما النهاردة بيضربوا في بعض المناطق ضربوا وفي مشكلة كبيرة عالميًا ومصريًا في هذا الموضوع، والتحذيرات المصرية شديدة”.
وذكر: “الدكتور مفيد شهاب أستاذ القانون الدولي قال أمبارح لو إسرائيل قامت بعمليات أدت لتهديد أمننا من خلال عمليات النزوح دا معناه أن لك الحق قانونًا تاخد إجراءاتك اللي أنت شايفها كدولة للدفاع عن أمنك القومي، مصر حذرت وقالت بشكل واضح والموضوع ده مصر بتقول فيه كلام واحد”.
حدود مصر
وأكمل: “انتوا شايفين اللجان شغالة ولازم يمسك في أي موضوع، ويقولك الحق بلدك والحق حدودك، لأ ملكش دعوة بحدودي، الحدود مؤمنة، الجيش في كل مكان شايف كل حاجة كده على الأربع اتجاهات يقظة تامة”.
وأكمل: “دي أرضي أيوة هأمنها وبنأمنها ومش عايزك تبقي قلقان، ومحدش يهز ثقتك أبدًا، أولًا ثقتك في المولى سبحانه وتعالى وفي القائد وفي القوات المسلحة، بس عندك الثقة دي خلاص، ما بيقولوا من 2011 وياما هتفوا ضد الجيش، وحاولوا يفرقوا بين المجلس الأعلى للقوات المسلحة والجيش”.
واختتم: “الجيش الموجود النهاردة الحمد لله بفضل ربنا والإعلامي الإسرائيلي بيتكلم عن الجيش المصري وبنجيب سلاح أه هنفضل نجيب سلاح”.
