بسمة بوسيل تطرح أغنية ” البدايات “.. من إنتاج تامر حسني
طرحت بسمة بوسيل أول أغنية رسمية لها، وتحمل اسم «البدايات». أغنية «البدايات» من كلمات أيمن بهجت قمر وألحان محمد يحيى وتوزيع ومكس فهد مستر مصطفى رؤوف.
وكتبت بسمة بوسيل عبر حسابها على إنستجرام: «البدايات أجمل بص حواليك وأسأل، اسمعوا أغنيتي الجديدة البدايات دلوقتي على يوتيوب وجميع منصات الاستماع، إن شاء الله تعجبكم مستنية رأيكم على فكرة الأغنية دي بتاعة تيمو (تامر حسني)، ولما قلتله إني عايزة أعمل أغاني بتاعتي على طول شجعني وقالي طب أول أغنية ليكي أنا هعملهالك، وطلبت منه دي عشان كنت بحبها أوي، فمترددش لحظة إنه يديهالي».
ورد تامر حسني على ما كتبته بسمة قائلا: «الدنيا كلها متغلاش عليكي يا بسوم ألف مليون مبروك وغنيتيها غنا عظيم بجد أيوا أنا المدرب والمنتج، بس إحساسك هو الموضوع كله، كل سنة وأنتي طيبه ويارب من اليوم ده كل أيامك في نجاح وفرح وانتصارات، شكرا لصناع الأغنية المؤلف الكبير أيمن بهجت قمر والملحن الكبير محمد يحيى والموزع الكبير فهد ومهندس الصوت الكبير مصطفى رؤوف مبرووك يا بسووم».
