عمرو أديب:في كارثة طبيعية في أسوان لازم استثنائها من قطع الكهرباء

طالب الإعلامي عمرو أديب؛ الحكومة باستثناء محافظة أسوان من تخفيف الأحمال بسبب ارتفاع درجات الحرارة لما يزيد عن 50 درجة.

وقال أديب خلال برنامج “الحكاية” المذاع على قناة “أم بي سي مصر”: “أسوان مستمرة 50 درجة مئوية في 3-4 محافظات بتعتبروهم محافظة سياحية اعتبروا أسوان منهم؛ احنا بنتكلم عن درجة حرارة 5 وفوق الـ 50 اعتبروها محافظة سياحية وهي على فكرة محافظة سياحية”.

وأضاف: “لازم يكون في مرونة أنك تستثني حد وتشوف حياته عايشة إزاي؛ الحرارة اللي في أسوان دي كارثة طبيعية زيها زي لو جالة سيل كلنا هنلم من بعد وناخد بطاطين احنا عايزين نروح اسوان وناخد لهم كهرباء”.

وتابع: “خلوا عندكم مرونة زي ما عندكم مرونة في أشياء كثيرة دول في حالة كرب وحر قاتل؛ ناس عواجيز وعيال صغيرة؛ في أسوان في كارثة طبيعية هما مش مسؤولين عنها”.

وواصل: “في كارثة طبيعية في أسوان مش الدنيا حر؛ النهاردة كانت 38-39 في القاهرة فالناس كانت وجه طيب والـ 50؛ يا جماعة الناس لازم شوية مرونة أنا بقولك العشر أيام اللي جايين قول للناس في أسوان احنا واقفين جنبكم”.

وأوضح: “محدش يقولي هما متعودين؛ في شيء غير طبيعي وأنا باهيب السيد رئيس الوزراء أنه يحاول يعملهم حاجة؛ مش ممكن هتعامل أسوان زي اسكندرية”.

وأكمل: “وارد جدا أبقي في أزمة ونتحرك لها؛ أسوان في أزمة هتقولي بقيت الصعيد معرفش امكانياتك عاملة ازاي؛ انت عارف الناس دي عندها مصيبة لمدة 10 أيام اقف جنبهم العشر أيام دول؛ احنا فاهمين المشكلة وفاهمين الازمة وفاهمين كل حاجة”.

وذكر: “متجيش تقولي الوزارة مش موجودة وتسيير اعمال؛ هل انت مستني لما يجيلك خبر من هناك أن في ناس توفت بسبب درجات الحرارة؛ في عدد من الاخوة السودانيين وهما جايين مصر توفوا من ضربات شمس؛ وغني عن البيان أن كل الشجر اللي اتشال في مصر كان جريمة”.

واختتم: “اليومين دول أنت بتدور على شوية ضل؛ بيدور على ضلة قد كده حصل مذابح للأشجار لأسباب أنا مش فاهمها واضح يا جماعة المناخ قد تغير في مصر؛ درجة الحرارة عندنا أعلى من أي مدينة خليجية؛ هو الشجر هيكلف دا مش حاجة عظيمة؛ تعالوا نعمل حملة كل واحد قدام بيته يزرع شجرة؛ البلد عندنا اتغيرت ودا جاي مع مسألة الكهرباء اللي ان شاء الله الحكومة قالت هتحلها السنادي”.