محمود سعد يكشف تفاصيل لأول مرة عن الفنان الراحل نبيل الحلفاوي

قال الإعلامى محمود سعد، إن الفنان الراحل نبيل الحلفاوي” كان رجل بسيط في ملابسه ولا يحب ارتداء الفاخر، وكتب نعيه قبل وفاته.

وقال سعد: “كان بيلبس لبس متواضع لا كان ليه علاقة بالمشاهير ولا اي حاجة خالص، كان في مرة عندنا فرح في إسكندرية وكان معانا اللي يرحمه صفاء عامر كان لابس حاجة عادية كان شخص راقي”.

وأضاف: “كان كاتب نعيه قبل ما يموت وراسم خريطة للمقابر عشان يعرف عياله على قبره ومات في ليلة القمر فيها بدر منور”.

ونشر القصيدة التى نعى من خلالها نفسه قبل 22 عام والتى تقول:-“

ف نعيى ما تكتبوش أسامى القرايب ف نعيى لازم تنكتب سامى الصحاب وصيغة الكلام بدون النظام وحسب الميزان مش حسب المحبه حتبقى كده :

صديق كل من السعدنى والصحن ولينين فرغلى والدكتور أمين سامى ومرعى وأحمد ياسين يحيى وحمدى وعبدالله غيث سامح وشامخ وعلوه وأديب سيدهم وكيمو وسناء والطاهر بهاءأحمد وحودة وعِماد محمد ودوحة ورِياض أشرف وشاكر وطلعت عزت ومدحت وبهجت حسين وسمره وجلجل غنيم شريف وعادل وعز وكريم هشام وخضر وجمال احمد كمال منه حمايا ومنه صديق محمد وفيق عبده كمان قبل ما اناسبه بزمان أسامة عكاشة ومحسن وحفـظ هادى وصبحى ولطفى وشعب روقه ورستم وزيـزو ودفـر عوض وزيكا ونور الشريف عمر وأردش وهانى مطاوع حجازى اللى سابنا ف عز الشباب سيد خميس وسيد حجاب حتى ابنى وابويا وخالى واخويـا ييجوا ف نعيى ضمن الصحاب ولجل المناسبه ولجل العادات ماقـلتش ف نعيى صحـابى البنـات”