نشوي مصطفي عن زوجها الراحل بيحب الزمالك اكتر من ولاده و تروي تفاصيل زواجهم

في حلقه سابقه مع الإعلامي عمرو الليثي وجه السؤال لضيفته نشوي مصطفي هو صحيح إنتي اللي خطبتي جوزك يا نشوي.؟ لتروي لنا تفاصيل زواجها من زوجها الراحل و علي لسان الفنانه تقول

حصل ديه قصه كبيره بس هحكهالك ، أنا الكبيره بتاعت أخواتي وكلهم اتخطبوا قبلي وأنا لسه فكان بالنسبه لماما وبابا ممثله مش ممثله ملناش دعوه إحنا عايزين نطمن عليكي ونسترك والجواز هو الأساس بالنسبالهم

فكان طول الوقت بقوا يقولولي إنتي كبرتي والصغيرين إتخطبوا قبلك وأنا كان عندي تقريباً 25 سنه يعني مكنتش لسه عجزت يعني بس هي ماما بالنسبالها أنا كده خلاص

فكانت أختي ميرڤت ونهله صاحبتها الاتنين فالجامعه سوا، فهي بتحكي لصاحبتها عني وبتفتخر بيا أن اختها ممثله وظهرت في بوابه الحلواني وضمير أبله حكمت وبتاع وصاحبتها بتفتخر بأخوها أنه بيشتغل في امريكا وعايش هناك وكده

فـ نهله قالتلها ماتيجي نجوز أختك لأخويا .؟ ميرفت قالتلها بس نشوي دماغها ناشفه وبعدين هنخليهم يتقابلوا إزاي طيب.؟

قالتلها أنا اخويا نازل من أمريكا شهر فنعملهم مقابله وكده، فأختي قالتلها لأ نشوي مش هترضي أبداً، فنهله قالتلها خلاص نعمل كأنه عيد ميلادي ونعزمها ولما تيجي عندنا أخويا يشوفها من غير مهي تعرف واتفقوا علي كده

فجات ميرڤت قالتلي صاحبتي نهله عيد ميلادها وبتاع وأنا تمام أنا مالي يعني ديه صاحبتك إنتي أعمل إيه؟ فقالتلي عايزه أجيبلها هديه وأنا طبعاً اللي بشتغل وقتها وفنانه بقي فمعايا فلوس وكده فقولتلها طب خدي فلوس وهاتي اللي إنتي عايزاه

فقالتلي أصل هي بتتأنعر عليا بأخوها عشان عايش في امريكا ماتيجي معايا عشان أنا كمان اتأنعر بيكي أن أنا اختي ممثله، قولتلها خلاص هاجي طبعاً معاكي وإتأنعري براحتك

عيد الميلاد كان يوم الخميس وأنا عندي تصوير اتأخرت فيه شويه ومكنش فيه تليفونات محموله ساعتها ،فرجعت البيت متأخر ومعرفتش أروح لقيت أختي منهاره وإنتي حرام عليكي واحرجتيني مع الناس ، فأنا بقولها احرجتك ليه ما كنتي تروحي انتي.! انا مش فاهمه حاجه طبعاً فبقولهغ كنتي روحتي إنتي والهديه موجوده اهي فين المشكله

فهي لأ أنا كنت عايزه اتباهي بيكي وزعلانه، فأنا برده بقولها ده ميمنعش إنك كنتي تروحي عادي فقالتلي عالعموم خلاص هما أجلوا عيد الميلاد لبكره

فالموضوع مدخلش دماغي ومسكتها قولتلها لأ تعاليلي بقي، فإعترفت علطول وقالتلي بصراحه بقي احنا كنا موضبين اليوم ده عشان عماد يشوفك

فأنا لسه بقي همسك فخنـlقها وعماد ده مين وبتاع راحت ماما داخله علينا وماصدقت بقي وتقولي حرام عليكي وانتي الكبيره ليه لأ يا بنتي ده ابن ناس طيبين ومحترمين ولازم تروحي وكده

فرضغت للضغوط خلاص وقومت رايحه معاها تاني يوم، وانا قاعده فالصالون مستنيه بقي ربع ساعه نص ساعه ومحدش جيه هو فين عماد انا مش فاضيه؟ اتاري بقي اخوها قاعد جوه بيتفرج علي إيه.؟ ماتش الزمالك

هو زملكاوي.

يالهوي يالهووووي.. مش زملكاوي عادي ده بيحب الزمالك اكتر من ولاده حضرتك، فأنا هتجـnـن بقي فقولت لأختي وصاحبتها هو فين.؟ قالتلي جوه فالليڤنج ، طيب مستور طيب لابس هدومه يعني ممكن يبقي قاعد مرحرح مثلاً فبيتهم بقي براحتهم

قالتلي لأ مستور عادي، روحت قايمه خبطت عليه وداخله السلام عليكم ، الرlجل شافني اتغض يا عيني قالك مين ديه.!

فقالي عليكم السلام قولتله حضرتك أنا اللي جايبني عشان تتفرج عليها فمن فضلك اتفرج بسرعه عشان أنا اتأخرت

والله يا عمرو أنا فاكره وحيات ربنا زهوله وقتها واحمرار وشه قالك ايه المجـnـونه ديه طلعتلي منين.؟ فهو قالي طب حضرتك اهدي منفعله ليه اتفضلي ارتاحي، قولتله حضرتك أنا بقالي ساعه بره وحضرتك بتتفرج عالماتش ميصحش كده

فبقوله ممكن توطي التلفزيون طيب عشان نعرف نتكلم وهو من كتر تركيزه فالماتش وحبه للزمالك قام موطيه شويه صغيرين بس وسامع برده يعني مش مثلاً يطفيه كشياكه
وكده ده في عروسه قدامه، لأ ولا عروسه ولا بتاع الزمالك أهم

فقولتله بص بقي أنا امي واخواتي وأخواتك عاملين الفيلم ده علشان تشوفني وانا مش هتجوز بالطريقة ديه، قالي وانا والله مش عايزه اتجوز كده بس انا نفس الوضع عشان عايش بره فأهلي عايزني اتجوز واحده مصريه وأنا الحقيقه مش في دماغي اتجوز واحده مصريه أصلاً

أول مقال مش فدماغي اتجوز واحده مصريه ديه ضايقني جداً ، قولتله لأ ده كله فعقل بالي بقي مش بقوله كده فوشه يعني، يعني إيه مش هتجوز واحده فقولت فسري كده طيب والله منا سايباك غير لما اتجوزك بقي ها حطيته فمخي خلاص وخدت الموضوع عِند بقي، وفي النهايه ده حصل وحضرتك احنا عندنا عبد الرحمن ومريم دلوقتي الحمد لله