أعلن الإعلامى خالد الغندور عبر برنامج ستاد المحور على قناة المحور عن فشل مفاوضات الزمالك لتجديد عقد نجمه الدولى أحمد مصطفى زيزو وعدم الأتفاق النهائي للتجديد مع الزمالك وعودة المفاوضات لنقطة الصفر من جديد
وتحدث الإعلامى خالد الغندور: إدارة الزمالك قالتلنا أن والد أحمد زيزو رجع في إتفاقه معانا بعد ما كان طلب 80 مليون جنيه راتب سنوي + 50 مليون جنيه منحه تعاقد + 10% اللي هي 10 مليون نسبه عموله والد زيزو بصفته وكيله
رجع قال اه في عرض من الإتفاق السعودي للاعب براتب سنوي 2.5 مليون دولار.. والزمالك هياخد 1.5 مليون دولار علشان يمشي في يناير ومفيش تجديد عقد خلاص
ولو عايزين زيزو يقعد يبقى الراتب السنوي 100 مليون جنيه + 50 مليون جنيه منحه تعاقد + 10 مليون نسبه والده من التجديد
- تواصلنا مع مصدر مقرب من زيزو وقالنا أن إدارة الزمالك هي اللي تراجعت في اتفاقها وقالوا لينا أنهم عايزين يدونا منحه التعاقد فيلا وعربيه وده مكنشي الاتفاق
- والد زيزو مدي مهله لنادي الزمالك لحد يوم الخميس .. هيتفق مع مسؤولي نادي الإتفاق اللي موجودين في مصر بالفعل وحصل تواصل بينهم
بينما تحدث الإعلامى أحمد شوبير على قناة الأهلى:
شوبير: أول أمس إدارة الزمالك اتصلت بـ والد زيزو علشان يتم جلسة في منزل حسين لبيب رئيس الزمالك، وإدارة الزمالك بتقوله هنديلك شاليه في الساحل الشمالي ويبقى من العقد بعد 3 سنين ورفض والد زيزو العرض وكلامه يوم الخميس أخر ميعاد قبل النظر فى العروض
