سيد عبدالحفيظ يوجه رسالة لمجلس الأهلي عقب الخسارة امام أورلاندو بايرتس
أكد مدير الكرة السابق بالنادي الأهلي الكابتن سيد عبد الحفيظ خلال تصريحاته الأخيرة، أن الفريق بحاجة ماسة للتدعيم في ظل الظروف الحالية.
مشيراً إلى أن ترتيب الفريق في المجموعة ليس مقلقاً، لكن النتائج المحبطة تستوجب وقفة.
وقال عبد الحفيظ: “كل واحد عارف إن الأهلي محتاج تدعيم، والفريق مش في أحسن حالة. ترتيب المجموعة ميقلقش، لكن النتيجة تزعل.
لما النتائج تكون مش الأفضل، لازم يكون عندك الإمكانيات اللي ترجع الفريق لمساره.
هل هنستمر كده؟ ما أعتقدش أبدا
وأضاف عبد الحفيظ: “الوقت الحالي مش مناسب لتصفية الحسابات، ولازم الكل يقف مع الأهلي ويدعمه. مش وقت اللوم أو العتاب.
أنا عندي ثقة كبيرة في إدارة الأهلي، وأعرف أنهم هيعملوا الصح في الوقت المناسب.
من النهاردة، كل محب للأهلي لازم يركز على دعم الفريق.”
وعن بعض الأمور الداخلية، قال عبد الحفيظ: “وقت الدروب أو التراجع، بتظهر حاجات من أوضة اللبس.
أيام ما كنت موجود كان بيحصل حاجات، وده بيحصل بشكل دوري.
إعلان العقوبات بيتم التعامل مع كل حالة بشكل خاص، ومش لازم كل التفاصيل تكون معلنة.”
وإختتم عبد الحفيظ حديثه بالتأكيد على أن دعم الفريق في هذه المرحلة هو الأهم، من أجل استعادة النادي الأهلي لمكانته المعتادة.
