عمرو أديب : درع الدوري في الأهلي من السنة اللي فاتت خلوه عندهم وإحتفلوا بيه
إنتقد الإعلامي عمرو أديب طاقم تحكيم مباراة الأهلي وبيراميدز التي أقيمت مساء أمس وإنتهت بالتعادل الإيجابي بهدفين لكل فريق.
وبدأ أديب حديثه قائلًا: “عندي اقتراح ظريف كده شوفوا درع الدوري فين وادوه للأهلي، مصاريف ومباريات وجماهير رايحة جاية على الفاضي، ادوا الدرع للأهلي وخلاص.”
وأنتقد أديب التحكيم في الدوري المصري، مشيرًا إلى قرارات أثارت الجدل خلال مباراة الأهلي وبيراميدز الأخيرة، ومنها طرد أحمد توفيق وركلة الجزاء التي أحتسبت للأهلي.
وأضاف: “ادي الماتش ده لأي مشجع أهلاوي وقوله قيم الطرد ده، طرد أحمد توفيق ينفع يبقى طرد؟ وحصل نفس القصة ضد الأهلي ومافيش حد اتطرد.”
كما وجه انتقادات لركلة الجزاء التي ضاعت عن طريق إمام عاشور، متسائلًا: “ده بلنتي؟ أنا بدأت أقتنع إن الفار ده اتخلق علشان الأهلي، مفيش حكم يستدعى من الفار غير لما يطرد أو يحسب بلنتي للأهلي.”
وأشار أديب إلى حالة الغضب وعدم التصديق التي بدت على مدرب ولاعبي بيراميدز بعد القرارات التحكيمية، قائلًا: “مدرب بيراميدز مش مصدق اللي بيحصل، ولا لاعيبة بيراميدز مصدقة.”
وفي حديثه عن نادي الزمالك، أبدى أديب استياءه من وضع النادي الحالي، موضحًا: “مش هتكلم عن الزمالك لأنه سيئ كده كده، المجلس مش هيعمل حاجة والإدارة لا تفعل شيئًا جيدًا.”
واختتم أديب تصريحاته برسالة ساخرة: “درع الدوري في الأهلي من السنة اللي فاتت، خلوه عندهم واحتفلوا بيه هناك من دلوقتي، نوفر المصاريف بدل الرايح والجاية. خدوا الدوري ومعاه الكأس كمان وريحونا.”
