كشف مهاجم الفريق الأول بالنادي الأهلي محمود عبد المنعم كهربا عن كواليس طرده من معسكر الأهلي في الإمارات بالترحيل مشيرًا إلى أنه دخل المباراة في حالة غضب، وتحدث بأسلوب غير لائق، ما دفع كابتن محمد رمضان، مدير الفريق، لاتخاذ قرار بوقفه وترحيله.
وقال كهربا: “بعد ماتش سيراميكا كليوباترا دخلت متعصب واتكلمت بأسلوب وحش، كابتن محمد رمضان سمعني واتكلم معايا، وقال لي مفيش مشكلة وخد قرار وما اعترضتش.
كان كلامي مع زمايلي وإني معترض على كولر. كابتن محمد رمضان سمع الكلام وقالي، وقلت له أنا تحت أمرك في أي قرار.”
وتابع كهربا: “محمد رمضان قالي انت موقوف، ولسه هوضح، ومسمعنيش، قرار الوقف والترحيل اتقالي في الفندق الساعة 12 بالليل. الشناوي كان قريب مني جدًا وكان عمال يطبطب عليا وقال لي هنحلها لما نوصل الأوتيل، ولما وصلت الأوتيل لقيت قرار ترحيلي اتخذ.”
وأضاف كهربا: “اللعيبة قعدت تتكلم مع محمد رمضان 3 ساعات علشان يرجع في كلامه، لكنه رفض.
أنا مغلطش، الغلط الكبير إني أترحل، لكن إحترمت القرار.
وبعدها، الكابتن محمد رمضان بقى قريب مني جدًا، وأنا ماشي كنت عمال أعيط، واللعيبة كلها كانت عاوزه توصلني.”
