لاعب الأهلي يهاجم كولر بعد اقتراب رحيله عن الفريق

شن محمود عبد المنعم كهربا هجوماً عنيفاً على السويسري مارسيل كولر المدير الفني للنادي الأهلي بعد اقتراب رحيله عن الفريق في يناير الجاري.

واقترب كهربا من الرحيل عن القلعة الحمراء في يناير الجاري منتقلاً إلى نادي الإتحاد الليبي على سبيل الإعارة لمدة 6 شهور.

وقال كهربا خلال تواجده في برنامج الكرة مع فايق: “كنت ماشي كويس مع الأهلي حتى قدوم موديست للفريق بقرار من كولر، أنا عاطفي والتعامل النفسي مهم جدا وبيفرق معايا”.

وأضاف كهربا: “ساعدت موديست كثيرا لكن كنت شايف نفسي إني أحسن لأني كنت بتمرن كويس، أنا لاعب ماتشات والبدني بتاعي بيزيد أكثر من التدريبات، ونفسيا لو أنا مش أفضل حاجة ممكن اتعرض للإصابة”.

وواصل: “اتكلمت مع كولر كثير عن المشاركة لكن كلامه معايا مأقنعنيش، وعلاقتي كانت جيدة مع كولر لكنها تغيرت تماما بعد قدوم موديست”.

وأكمل: “وسام أبو علي قريب مني جدا وساعدته في بدايته مع الأهلي، كان نفسي ألعب ولو ربع ساعة واحنا كسبانين لكن كولر مش شايفني، وكنت بقول لكولر اتعامل معايا نفسيا أفضل وعلاقتي معه توترت مؤخرا”.

وأردف: “كلام كولر إني المهاجم رقم 3 كان صعب عليا.. مفيش حد يقول كدا، وكولر قالي إنك هتبقى رقم 3 بيني وبينه قبل فرح شقيقتي، وزعلت إنه قال إني رقم 3 أمام الرأي العام، ولو تكرر موقف فرح شقيقتي مرة أخرى سأكرر نفس الموقف الذي قمت به”.

وأضاف: “ابتعادي عن المشاركة في الفترة الأخيرة كان تقصير مني، كنت عايز بس أكون في الصورة حتى لو وسام بيشارك ومتألق، والأهلي بيتي والرحيل عنه صعب بالنسبة لي”.

وأتم: “هتعب نفسيا وهحتاج وقت علشان استوعب رحيلي عن الأهلي، ومحدش يعرف إني مشيت ليه من الأهلي غير اللي عارف اللي فيها”.