مذيع قناة الأهلي السابق يكشف المتسبب في أزمة تشكيل مودرن سبورت وقانونية مشاركة الساعي؟

كشف مذيع قناة الأهلي السابق أمير هشام ومقدم برنامج بلس 90 على قناة الأهلي قانونية مشاركة عمر الساعي مع الأهلي أمام مودرن سبورت وهل سيتم خصم نقاط من الفريق.

وقال أمير هشام عبر برنامج بلس 90 : ” بصراحه شديدة الناس كلها شافت التشكيل قبل المباراة وفيه عمر الساعي أساسي وكريم الدبيس احتياطي وكان في ناس بتسأل هو هنلعب ازاي ومين باك شمال؟ وكان في استغراب “.

وتابع : ” بصراحه شديد يا جماعه لا الصحفيين غلطانين ولا الموقع الرسمي لنادي الاهلي غلطان ولا اي جهة إعلامية غلطانه ولا قناة الأهلي ولا قناه اون سبورت الناقله من اللي أعلنوا عن تشكيل الأهلي بتواجد عمر الساعي أساسي “.

وواصل : ” الغلطان هو إداري النادي الأهلي أخطأ في الاسكورشيت الخاص بلقاء الفريق ضد مودرن سبورت، واتلخبط وهو بيعلم على عمر الساعي “.

وشدد : ” فعلا الاسكورشيت اللي تم توزيعه على الصحفيين كان محطوط علامه صح على عمر الساعي أنه اساسي، وكريم الدبيس احتياطي “.

وأكمل : ” لكن السكورشيت الاساسي اللي راح لمراقب المباراة كان فيه كريم الدبيس أساسي وعمر الساعي احتياطي وده اللي كان الصح واللي كان كولر بدأ بيه “.

وأضاف : ” الاسكورشيت اللي تم اعتماده اللي استمله المراقب، وفور تسلمه من الناديين، يقوم بتصويره إلى لجنة المسابقات “.

وأتم : ” الموضوع خطأ إداري فقط، ولكن كل الأمور قانونية وسليمة تماما ومودرن سبورت أتأكد بنفسه من مراقب المباراة لأنهم كانوا هيقدموا شكوى لو موقف الأهلي مش صح “.