كشف احمد حسام “ميدو”، عضو اللجنة الإستشارية بنادي الزمالك، موعد بدا المفاوضات مع لاعبي الفارس الأبيض لتجديد عقودهم وابرزهم أحمد مصطفى زيزو.
وقال ميدو، خلال مداخله هاتفية ببرنامج” ملعب أون”، عبر قناة” أون تايم سبورتس1″: “زيزو من اهم اولويات الزمالك التجديد له، هو وكبار اللاعبين في الفريق، للاسبوع القادم هنفتح الكلام معهم لتجديد التعاقد، وزيزو منهم وهنعمل اقصى جهد للتجديد”.
وأردف:” احنا عايزين نأخد خطوه ثانيه لزيزو، في المفاوضات بيكون في متغييرات ومحاولات ثانية مع زيزو للابقاء عليه لانه لاعب مهم ومتأكدين لوجدد عقده ورجع للاستقرار النفسي هيعود لمستواه المعهود”.
وشدد ميدو: “انا رجل بؤمن أن لازم احارب علشان زيزو يفضل معايا، ومتفرقش بعدها، اللي يهمني ان اللاعب يبقى ولازم يكون في مصارحه مع الجمهور وكله معلن”.
وأكمل:” في الآخر الجمهور عارف اننا مش هنعمل حاجه ضد مصلحة النادي، وبسعى بارقام في لاعب ارقامه كويسه معك السنوات اللي فاتت، وبحاول باللي بقدر عليه وفي النهايه لنا ارقام ومش هتقدر نعديها، ومتوقعين من زيزو يكون متساهل في الارقام، لان الزمالك له فضل كبير عليه وبارقامه بستحق اكثر الاعبين عقده مميز”.
وأشار ميدو: “لو مكان زيزو وفي اختيار هاقعد بالزمالك بارقام اقل، لان مفيش جمهور في مصر وبره مصر هيعمل معه الي بيعمله جمهور الزمالك من دعم واول ناس بتدعمه ولن يجده في اي مكان تاني من غير اي صغوط عليه وهنقعد معه ومع والده وهنحاول نوصل لاتفاق ولومحصلش هنصارح الجمهور بكل الامور ومصلحتنا واحده”.
وأتم:” اي اعب مهم بيصنع الفارق وهو لاعب كبير وجوده يفرق معنا احنا هنحاول كل حاجه للابقاء على زيزو”.
