كشف عضو اللجنة الإستشارية بنادي الزمالك
احمد حسام “ميدو”عن موعد بدأ المفاوضات مع لاعبي الفارس الأبيض لتجديد عقودهم وأبرزهم أحمد مصطفى زيزو.
وقال ميدو، خلال مداخله هاتفية ببرنامج” ملعب أون”، عبر قناة” أون تايم سبورتس1″: “زيزو من اهم اولويات الزمالك التجديد له هو وكبار اللاعبين في الفريق.
الأسبوع القادم هنفتح الكلام معهم لتجديد التعاقد، وزيزو منهم وهنعمل أقصى جهد للتجديد”.
وأردف:” احنا عايزين نأخد خطوه ثانية لزيزو، في المفاوضات ويكون في متغييرات ومحاولات ثانية مع زيزو للابقاء عليه لانه لاعب مهم ومتأكدين لوجدد عقده ورجع للاستقرار النفسي هيعود لمستواه المعهود”.
وشدد ميدو: “انا رجل بؤمن أن لازم احارب علشان زيزو يفضل معايا، ومتفرقش بعدها، اللي يهمني ان اللاعب يبقى ولازم يكون في مصارحه مع الجمهور وكله معلن”.
وأكمل:” في الآخر الجمهور عارف اننا مش هنعمل حاجه ضد مصلحة النادي، وبنسعى بارقام في لاعب أرقامه كويسه مع الزمالك السنوات اللي فاتت، وبحاول باللي بقدر عليه وفي النهايه لنا أرقام ومش هنقدر نعديها، ومتوقعين من زيزو يكون متساهل في الأرقام، لأن الزمالك له فضل كبير عليه وبأرقامه يستحق أكثر اللاعبين عقد مميز”.
وأشار ميدو: “لو مكان زيزو وفي إختيار هستمر في الزمالك بارقام أقل، لإن مافيش جمهور في مصر وبرا مصر هيعمل معه اللي بيعمله جمهور الزمالك من دعم وأول ناس بتدعمه ولن يجده في أي مكان تاني من غير أي ضغوط عليه وهنقعد معه ومع والده وهنحاول نوصل لإتفاق ولومحصلش هنصارح الجمهور بكل الأمور ومصلحتنا واحده”.
وأتم:” أي لاعب مهم بيصنع الفارق وهو لاعب كبير وجوده يفرق معنا إحنا هنحاول كل بكل الطرق للإبقاء على زيزو”.
