كشف الإعلامي خالد الغندور حقيقة تسبب شيكابالا قائد الفريق في الإطاحة بجروس من منصب المدير الفني
وقال خالد الغندور عبر بث لايف على حسابه الشخصي : ” انتشر كلامي من امبارح ان ممدوح عباس دفع فلوس شرط جزائي جروس وان شيكابالا السبب في رحيل جروس من نادي الزمالك “.
وتابع : ” اه هو شيكابالا كان زعلان من جروس اه بسبب عدم مشاركته في مباراة انيمبا، لانه كان واخد وعد انه هيبتدي اللقاء لانه لقاء تحصيل حاصل، وفوجئ بعدها انه مبدأشي، وهو خد موقف وقتها وزعل، لكن هو ملوش اي علاقة برحيل جروس “.
وأوضح : ” شيكابالا ملوش علاقة بأن جروس يمشي ولا يكمل، وحته يلعب او لأ، لان بيسيرو اللي جاي، شيكابالا مش ضامن يلعب معاه، وصعب بيسيرو يلعبه برضوا، فالموضوع مش كده”.
وواصل : ” جروس اكثر من لاعب مكنشي مقتنعين بالتدريبات بتاعته وان مفيش اي اضافة، المدرب كان معاه محمد علاء محلل الاداء، تفتكروا ليه طيب مشي وراح شبيبة القبائل؟”.
وأوصل : ” محمد علاء اتكلم مع الناس في النادي والمسوؤلين وقالهم، جروس مبيعملشي حاجة خالص، انا بقوله تعالى نتفرج على ماتشات اللي فاتت او الفرق اللي هنلاعبها، يقوله لا، انا بتعامل مع اللعيبه نفسية بس”.
وشدد : ” جروس مش معاه مساعدين غير امير عزمي مجاهد بس، وحتى بتاع الاحمال الجزائري كان بيساعده، والظروف كانت صعبه جوا واللعيبه كانت غير مقتنعه باللي بيحصل “.
وأضاف : ” اللجنة الموجودة حاليا سواء ميدو ولا حازم امام ولا ابو العلا ولا نادر السد، اللي اشتغلوا على ملف المدير الفني الجديد بيسيرو، وهيثم فاروق ابتعد تماما عن الملف ده بعد قصة الحسن كوروما”.
وأكمل: ” ميدو اللي تولى مسؤولية التفاوض مع بيسيرو والتواصل معاه واقنعه بالتنازل وخفض الراتب اللي كان مطلوب من 110 او 115 كمان إلى 70 ألف دولار والراتب ده شامل كل المساعدين “.
وأتم : ” ميدو أتكلم مع بيسيرو ان دي فرصة ليه يرجع نفسه تاني للاضواء وان الزمالك عنده منافسات قوية في الدوري والكونفدرالية وكأس مصر، والمدرب يقدر يحقق بطولات”.
