كشف أحمد حسام “ميدو”، عضو لجنة التخطيط بالزمالك، تطورات ملف تجديد أحمد مصطفى زيزو ، نجم الفريق الأول لكرة. القدم بالنادي.
وقال ميدو، خلال تصريحات متلفزة ببرنامج” ملعب أون”، عبر قناة” أون تايم سبورتس1″: “بطالب جمهور الزمالك بدعم زيزو، هو زملكاوي بجد في اكثر من موقف كان ممكن يمشي بفلوس اكثر واختار النادي”.
وأردف:” طبيعي لاعب بالموقف ده، موقف قوه واخر 6 شهور بعقده، انا على تواصل مع زيزو ووالده، وهيكون في جلسات الفتره الجايه، وعندي ثقه ان وجهات النظر هتتلاقي ونجدد بما يستحقه، لانه مخلص وبيقاتل في كل المباريات،
وواضح الفتره الاخيره انه متأثر، لازم الاعلام الزملكاوي والجماهير يدعموه وزيزو عليه دور كبير ميسمعش لحاجه ويركز ويعمل شغله وعندي ثقه نوصل لاتفاق”.
وردا على سؤال في كلام انه اقترب من التوقيع لنادي قطري هل صحيح؟ أجاب ميدو:” غير حقيقي، زيزو اولوياته البقاء واولوياتنا التجديد له، وطبيعي يكون عنده عروض ومتوقعين ده”.
وأشار: “كل مايثار عن والد زيزو ظلم، هو السبب في ما وصل له لزيزو وبيطلب الرقم اللي شايف انه يتقيم به، وهنعرض الرقم اللي نوصله، ووالده ليس عقبة في التجديد هو رجل صريح وانا معنديش مشكله في ده”.
وأختتم:” موضوع زيزو زي باقي اللعيبه الثانية هيكون في شفافيه لجمهور ، اللاعب طلب كذه واحنا قولنا كذا وهنشوف هنوصل لايه في الاخر، الاولوية لزيزو هي البقاء في الزمالك وانا واثق من كده، ولازم الجمهور يدعمه، لازم الجمهور يقف ورا زيزو واحنا علينا دور نرجعه تاني ونرجعه لافضل حاله ليه”.
