تحدث إمام عاشور لاعب الفريق الأول لكرة القدم بالنادي الأهلي عن سبب تألقه مع الفريق الأحمر خلال الفترة الماضية.
واعترف إمام عاشور، في بودكاست القلعة الحمراء، بأنه كان يسير في طريق مختلف عن الذي ينتهجه حاليًا، وعلى أثره يقدم مستويات مميزة رفقة الفريق.
وقال إمام عاشور عبر بودكاست القلعة الحمراء مع سيد عبد الحفيظ: “ليه البداية غير دلوقتي؟ أوقات لازم الواحد يفوق نفسه ويتكلم مع نفسه”.
وأضاف “كنت ماشي في طريق مركز في حاجة تانية زي ما الناس بتقول، حاولت أتجنب كل حاجة بتتقال عني وركزت في التمرين والمباريات”.
وواصل: “في الآخر ربنا بيكرمني، وبيكون في نماذج عندنا في الفريق الواحد مش عيب يتعلم منهم حاجات ناقصاه زي الالتزام وإنك تتمرن كويس، تكون مركز في المباريات، ونكون في الملعب فريق واحد”.
وأكمل: “أنا باخد رد فعل على طول وده بيخسرني ساعات، لكن طالما واخد القرار ومقتنع به مليش دعوة أي حد يتكلم، زمان مكنتش بسمع لحد لكن دلوقتي ناس كتير بسمع لها”.
وتحدث عاشور عن تغير شخصيته في النادي الأهلي، حيث قال: “كل حاجة في النادي الأهلي غيرت في شخصية إمام عاشور بصراحة”.
وأضاف إمام عاشور: “لأن النادي الأهلي منظومة كبيرة وعريقة، وكلنا لينا قائد جوا الفريق، زي الحارس محمد الشناوي، وكلنا بنسمع كلامه”.
وأتم: “نفسي أخد كل البطولات مع الأهلي، وأفرح الجمهور الواحد مهما يتكلم عنهم مش هيوفيهم حقهم، والوحد بيبقى عايز يطلع أقصى حاجة عنده في الملعب عشانهم”.
