تعليق ناري من سيد عبد الحفيظ على أزمة مباراة القمة بين الأهلي والزمالك

تحدث سيد عبد الحفيظ مدير الكرة السابق بالنادي الأهلي عن أزمة مباراة القمة المصرية معبرًا عن استيائه الشديد من الغموض الذي يكتنف قرار خصم 3 نقاط من الأهلي، بسبب عدم خوض مباراة القمة أمام الزمالك.

وقال سيد عبد الحفيظ في تصريحات تلفزيونية ببرنامج الكرة مع فايق “أنا كأهلاوي، محتاج توضيح من الأهلي مروحناش الماتش ليه؟ واتخصم مني 3 نقاط ليه؟، كنا محتاجين توضيح القرار اللي أنا أخذته صح يبقى أنا اتعاقبت ليه؟ مش موضوع بقى نقسم البلد نصين، أنا أخسر كورة مفيش مشكلة ولو ليا حق أخذه”.

وتساءل عبدالحفيظ عن الجهة المسؤولة عن خصم النقاط، قائلًا: طيب مين خصملي النقاط؟ الرابطة ولا اتحاد الكورة ولا الأهلي مكنش على حق؟ أنا كسيد عبدالحفيظ الصراحة مش مستحمل فكرة إني خسرت نقطة واحدة عشان ملعبتش.

وأكد عبدالحفيظ في تصريحاته على رفضه فكرة خصم النقاط إذا كان الأهلي على حق، مشيرًا إلى أهمية الأرقام التاريخية في مباريات الديربي، قائلًا: مش قابل إن يتخصم مني نقطة لو أنا على حق، في أرقام تاريخية مع المنافس لازم تركز عليها، أنا ليا 12 سنة بكسب الزمالك، الموسم الحالي محصلتش، يا جماعة ده ديربي، كل ما تعلى الأرقام معاه تفرق تسويقيًا.