تحدث أحمد السيد زيزو لاعب نادي الزمالك عن إمكانية رحيله عن القلعة البيضاء والإنضمام للنادي الأهلي في فترة الانتقالات الصيفية المقبلة.
وينتهي تعاقد أحمد السيد زيزو مع نادي الزمالك بنهاية الموسم الجاري ويحق له التوقيع لأي نادي بشكل مجاني وبدون الرجوع لإدارة الزمالك.
وقال هاني حتحوت في تصريحات إذاعية على لسان أحمد السيد زيزو: “من حقي اللعب للنادي الأهلي، الأهلي نادي محترم بحترمه زي ما بحترم الزمالك وجمهوره، والتاريخ مش بيتمسح”.
وأضاف” جاهز لكتابة التاريخ مع النادي الأهلي في حال الإنضمام للنادي بشكل رسمي، كان من الممكن ألعب في الخليج قبل بداية الموسم الحالي لكن حاليا أنا عندي أمم إفريقيا وكأس العرب وكأس العالم، ووجودي في الأهلي سيجعلني في نفس الفورمة والتركيز والتنافسية، وأيضًا وجود كأس العالم للأندية هي ميزة كبيرة ومكسب كبير من الانضمام للأحمر”.
وأكمل حتحوت على لسان زيزو: ” يجب أن أحسم موضوع الزمالك، وده اللي قلته لوالدي، مفيش حاجة اسمها توكيل عام في عقود الكورة، ممكن في الاعلانات او عقود تجارية، والدي لحد شهر مارس لم يجلس مع ولا نادي احتراما ليا ولرغبتي”.
وتابع “أنا في غاية الإحباط من اللي حصل معايا الشهور اللي فاتت، أنا مش مصدق إن دي المعاملة اللي تتعامل مع لاعب عمره ما قصّر في حق النادي”.
وأضاف: “خلال الشهور الماضية، أبويا تعرّض لكل أنواع الهجوم والتجاوز على مواقع التواصل الاجتماعي بدافع من أشخاص في الإدارة، والدي راجل محترم، مش أقل من أي واحد منهم، أنا مش أفضل لاعب مصري حاليا في الزمالك، ولا أجنبي دون التقليل من أي حد ومش ببص لحد في رزقه”.
وواصل حتحوت على لسان زيزو ” اتغير عليا 7 مجالس إدارات وعمري ما تمارضت، ولا غبت عن تدريب، ولا قلت بطني واجعاني ولا رجلي مش قادرة”.
وعن هشام نصر نائب رئيس مجلس إدارة الزمالك، قال: لما طلع هشام نصر يقول إني طلبت أكتر من 60 مليون، والله ساعتها ما كنا اتكلمنا في أرقام، لكن كان ساعتها الزمالك رفض عرض نيوم آخد فيه 11 مليون دولار في سنتين، لذلك والدي قالهم هتعوضوه ازاي طيب؟ 20% ولا 30% ولا 50% من المعروض؟، فهو حسبها وطلع قال زيزو عايز أكتر من 60 مليون، فكلمته قولتله أيوة أنا بقى عايز أكتر.
واختتم: خلوا الناس تعد عليا النفس، والعمال في النادي يقولوا خد قرض بـ200 مليون عشان ندي 150 منهم لزيزو، هل دي أجواء شغل أو لعب كرة قدم، أيوة الزمالك اللي عملني وشهرني، بس بالتزامي بقيت الوحيد اللي بينافس على جائزة أفضل لاعب في إفريقيا.
