كشف أحمد سالم المتحدث الرسمي كواليس تجديد عقد الونش مع الزمالك واغراءت بعض الاندية الاخرى.
وقال احمد سالم عبر قناه الشمس : مبروك للزمالك وخلينا نتكلم خمسة كورة عشان بقالنا مدة ما تكلمناش في الكورة ومش هتكلم في زيزو رغم ان هو حديث المدينة.
وواصل ” لكن بسرعة كدا زيزو هو لاعب حالي في الزمالك حتى نهاية عقده له من الحقوق وعليه من التزامات اللي لازم يوصل لغاية اخر يوم في عقده مستوى في تماما ما عدى ذلك من تكهنات وتوقعات واشاعات وحقائق وغيره
وتابع : اما الونش فا تعظيم سلام ورسالة حب لهذا اللاعب اللي اختار التاريخ واختار انه يبقى كابتن من كباتن الزمالك بالمقارنة بلعيبة تانية ممكن تكون راحت اندية اخرى ونسيها او تنست مع التاريخ ومحققتش اي حاجة.
وشدد : ولا لهم اي ظهير جماهيري بعد اعتزالهم او حتى اثناء وجودهم او بلعبهم في دول او دوريات ضعيفة جدا جدا بعد ما سابوا نجومية نادي الزمالك كان دا مصيرهم.
وأكمل : هو اختار الاختيار الصحيح ويوم من الأيام هيطلع الونش يتكلم على كم الضغوط اللي شافها مش دا موضوعي ده يخص محمود حمدي الونش.
وأتم : و كم الاغراءات اللي تعرض ليها والمبلغ اللي عرض عليه وعلى تليفونه وكل أنواع التواصل من رؤساء اندية ورؤساء نشاط كروي وسماسرة وشخصيات مصرية وغير مصرية وعروض مدية وشنط فلوس وفنانين وغيره .. لكن ده حق الونش هو اللي يحكي عنه.
