وجه هشام نصر نائب رئيس الزمالك نداء لرئيس الجمهوريه بسبب ما يحدث في الرياضة المصرية.
وقال هشام نصر نائب الزمالك مع عمرو اديب على ام بي سي مصر : رسالتي الاخيرة أنا نفسي المسؤولين بس على الرياضة تبقى على الرياضة كلها
وتابع : إحنا وكنا بنلعب كان طموح اللعيبه كلها أنها عايزة تروح منتخب مصر .. الوضع ده اختلف جدا حالياً بقت اللعيبه عايزة تروح نادي بعينه
ورد عمرو أديب : كل الناس عايزة تروح النادي الأهلي.. في الكرة والصالات وكله عايز يروح الأهلي
وعلق هشام نصر : القيمة السوقية لجميع الدوريات بتعلى مع علو المنافسة
وأكمل : عايز اقولك برشلونة كانت عندها أزمة مالية كبيرة وكان عندهم مشكله في قيد اثنين لعيبه .. تخيل مين كان أكثر داعم ليهم في القصه دي مش هتصدق؟ ريال مدريد
وأوضح : ولما اتسألوا بتساندوا المنافس؟ قالوا لا طبعا ده في صالح الدوري اللي العالم كله بيتابعه نتيجه الديربي بتاعنا هيكسبنا أكثر
وشدد : من برنامجك هنا بقول معالي رئيس الجمهورية عبدالفتاح السيسي نظر نظره للفن المصري وحصل لجان اتكونت
ووجه : نداء لرئيس الجمهورية من خلال برنامجك.. لازم يبقى في الحفاظ على الفرق الجماهيرية والشعبية الزمالك والاسماعيلي والمصري والاتحاد والمحلة لتنعش الدوري المصري لمصلحة المنتخب المصري
وأشار : أنا مش هفرح اني هفضل يبقى عندي فريق واحد يبقى نخلي نتائجه افضل من منتخب مصر وهو بس اللي بيدعم ويمثل مصر فقط
وأكمل : دلوقتي بتلاقي الدوريات في الخليج خمس فرق مش عارف مين هيقدر يكسب الدوري وتلاقي قوة في المنافسة والمتابعه علشان كده
وأتم : في أندية ورثت ديون ومشاكل غير عادية ومش هتتحل غير بدعم الدولة بكل الأندية الجماهيرية ومبقلشي الزمالك فقط … لازم دعم لكل الأندية والرياضة المصرية
