كشف هشام نصر نائب رئيس الزمالك عن حقيقة البدء في فرع اكتوبر.
وقال هشام نصر نائب رئيس نادي الزمالك مع عمرو أديب عبر قناة ام بي سي مصر : أرض اكتوبر دي موجوده من 2004 يعني أكثر من عشرين سنه ومن ساعه ما جينا احنا وعدنا أننا في خلال 15 شهر هنكون انجزنا فيها حاجه كويسه لكن للاسف وجهتنا صعوبات كتيره.
وتابع : لكن رب ضارة نافعه .. التأخير ده اتبذل مجهود كبير وإعادة رسومات وناس كتيره ساهمه في الموضوع ده كل اعضاء مجلس الادارة المهندس محمود الجمال والمهندس طارق يوسف والاستاذ عمرو الجنايني وناس كتيره جدا .
وواصل : يوم الخميس اللي فات تم الحصول على كل التصاريح واهمها تصريح الحفر والبدء الفعلي خلاص .
وأكمل : إحنا مكناش حابيين الموضوع يتسرب بالشكل ده .. لأننا ناويين نعمل حفله كبيره تليق بنادي الزمالك واشتياق جماهير الزمالك لفرع ثاني ومش هيكون فرع ثاني بس لسه في مفاجآت ثانية .
واضاف : زي ما وعدنا الناس بعد البدء خلال سنه او سنه ونص هنكون فاتحين المرحلة الأولى.
وأتم : عندنا مراحل كتيره وفي ملعب كرة قدم بجماهير وفي ملاعب مغطاة ومشروع كبير ومراحل عديدة ممكن تستمر خلال ثلاث سنوات وهنعلن كل التفاصيل في المعاد المناسب
