انتشرت على مواقع التواصل الإجتماعي صورة لمذيعة قناة نادي الزمالك وهي ترتدي فانلة نادي صن داونز الجنوب أفريقي خلال وجودها فى استديو القناة .
وقد إنهالت الإنتقادات الحادة والجارحة إليها بخروجها عن الروح الرياضية بشكل علني ، وتعرضت مها صبري لوابل من الألفاظ غير اللائقة .
وقد إضطرت المذيعة المحترمة للخروج عبر صفحتها على الفيس بوك لتنفي صحة هذه الصورة التى يعرف المتخصصون فى الإعلام إنها مصنوعة بالذكاء الإصطناعي .
كتبت مها وقالت :
ناس كتير نشرت وشيرت صورة مفبركة ليا وأنا لابسة تيشيرت صنداونز! وعلشان أكون صريحة، أنا مصدومة إن في ناس صدقت الموضوع أصلًا!
الصورة دي مش حقيقية ومعمولة بالذكاء الاصطناعي، وده واضح لأي حد عنده أقل قدر من الفهم أو التمييز.. ولو في حد عنده فيديو، يورّينا! لإنه ببساطة مافيش، وده كله افتراء وكلام مالوش أي أساس من الصحة.
مش قادرة أصدق كم الشتيمة والتجريح اللي جالي من غير حتى ما حد يفكر يتحقق! مافيش شخص واحد بس قرر يشوف إيه الحقيقة قبل ما يشتم أو يعمل شير!
أنا بتبع مؤسسة إعلامية محترمة، ومش ممكن أعمل تصرف غير مهني بالشكل ده. واللي يعرفني كويس، عارف إن أنا طول عمري زملكاوية، ومش ممكن ألبس أي تيشيرت في الدنيا غير تيشيرت نادي الزمالك.
وبناءً عليه، بعلن إني هتخذ إجراءات قانونية واضحة ضد الصفحات اللي روجت للإشاعة دي بهدف تحقيق الترند والانتشار على حساب اسمي وسمعتي
