كشف أحمد فتوح، لاعب الزمالك، تفاصيل علاقته بالكابتن شيكابالا، خلال لقائه مع الإعلامية ياسمين عز عبر قناة MBC مصر، مؤكدًا أن “الأباتشي” هو أكثر لاعب يحبه ويقدره داخل النادي الأبيض.
وقال فتوح: “شيكابالا وقف جنبي كتير، وفي واحد خبيث وقتها وقع بينا، قالي إن شيكابالا قال عليا كلام مش كويس، وأنا علشان عصبي خدت موقف، لكن لما عرفت الحقيقة صالحته”.
وأضاف: “اللاعب اللي حاول يوقع بينا كان موجود في الزمالك وقتها، لكن دلوقتي خلاص مش موجود”.
وعن عرض شيكابالا من ليبيا، أوضح فتوح: “فرحت له جدًا، ونفسي يروح علشان يجمع قرشين، لأنه خدم الزمالك كتير ومخدش حقه المادي زي ما يستحق”.
واختتم حديثه عن عبدالله السعيد قائلًا: “لازم يكمل في الملاعب، هو أكتر لاعب بيؤدي بأقصى طاقته”.
