على صفجة رابطة مزارعي البطاطس .. كتب عبدالرحمن الفخرانى استشارى زراعة وانتاج البطاطس في مصر والدول العربية وقال بالنص :
القشرة الفضية من الامراض الخطيرة
عارف ليه
لانه بيظهر بنسبة بسيطة في الارض ومالوش اى اعراض علي المجموع الخضرى
ولما تدخل البطاطس في التلاجة للتخزين بينتشر بسرعة وممكن يدمر المحصول كله
عشان كده لو ظهر قدامك وانت بتحصد بلاش تخزن .هتزعل جامد
واوع تخلط بينه وبين القشرة السوداء هتوقولى ازاى اخلط بينهم دى سودا ودي فضية يعنى الفرق واضح
اقولك القشرة السوداء في بدايتها بتكون فضية
طيب اعرف الفرق بينهم ازاى
اقولك
اول ما تشوف لون فضي علي الدرنات
هات عدسة مكبرة وبص علي الدرنة كويس لو لقيت الاصابة عبارة عن خيوط تبقي قشرة فضية .لو لقيتها عبارة عن نقط جنب بعضها تبقي قشرة سوداء
باقي سؤال .هو المرض ده بيجى منين
٩٩% منه بتيجى مع الدرنات المستوردة
