في تصريحات نارية عبر قناة أون سبورت، كشف أحمد حسام ميدو، عضو لجنة التخطيط بنادي الزمالك، عن كواليس مثيرة داخل القلعة البيضاء، مؤكدًا وجود محاولات تشويه متعمدة من داخل النادي ضد اللجنة التي تضم أيضًا حازم إمام وعمرو الجنايني.
وقال ميدو: “إحنا جينا نشتغل في الزمالك تطوعيًا علشان نساعد، لكن بنتعرض لحرب منظمة وأخبار كاذبة بتطلع علينا 24 ساعة، وساكتين… بس لو اتكلمنا هنعري ناس كتير جدًا جدًا”.
وأضاف: “في ناس من جوه النادي بتخبط فينا وبتهاجم اللجنة، وأنا عارف كويس كل خبر بيتسرب جاي منين ومن ورا مين”.
وعن موعد فك القيد، طمأن ميدو جماهير الزمالك قائلاً: “بإذن الله القيد هيتفك نهاية الأسبوع المقبل. وإحنا كزمالك بندفع كل فترة انتقالات حوالي 120 مليون جنيه لحل أزمة القيد”.
وتطرق ميدو لقضية خصم الثلاث نقاط من الأهلي، مؤكدًا أن اللجنة القانونية في الزمالك جاهزة للتحرك لحماية حقوق النادي، إذا لم يتم تنفيذ الخصم: “بس أنا عايز أسأل اللي هيصدر قرار زي ده، هيحس بإيه وهو بيطلع قرار ضد القانون؟ وهيستفيد إيه بجد؟”
