شن أحمد شوبير حارس مرمى النادي الأهلي ومنتخب مصر، هجوماً حاداً علي مجلس إدارة الاتحاد المصري لكرة القدم برئاسة المهندس هاني أبوريدة، بسبب بطولة الدوري المصري الممتاز.
وقال شوبير:” بعد إذن الرابطة لو سمحتم اعملوا لائحة محترمة، وقولولنا هترجعوا الدوري 18 نادي امتا، سؤال بسيط وسهل”، وعاوز رد من المسؤولين في الاتحاد الكرة والرابطة
وأضاف شوبير في تصريحات إذاعية خلال برنامجه:” أنا بحذر من كارثة هتحصل هو أنت بجد عايز تصعد 6 فرق، وتعمل الدوري 24 نادي، على مجموعتين”.
وأشار:”لا والله بجد، صحيح، انتوا عايزين تعملوا دا، ايون اتحاد الكرة يا عم، وعايز يعمل اوكازيون في الصعود، يا عم أنت أصلا جاي بالتزكية ومكنش عندك انتخابات، عايز تراضي الكل ازاي”.
وأتم:”وبعدين أنت عندك مصيبة أصلًا في الاستثمار كدا، وهيكون عندك مشكلة في توزيع الأندية ومش هتعرف تستثمر بسبب تقسيم الأندية الكبيرة في المجموعات”.
وأختتم شوبير تصريحاته قائلاً:” فكرة إلغاء الهبوط لهذا الموسم كارثة وتجعل الدوري المصري يدخل في مشاكل عديدة خلال المواسم القادمة، لذلك أنا بحذر من تلك الكارثة.
