صرح عضو لجنة التخطيط بنادي الزمالك “أحمد حسام ميدو” ببعض التصريحات بموقع التواصل الإجتماعي “اكس”، معلقاً حال الكرة المصرية منتقداً النظام الحالي للرياضة المصرية
وجاء ذلك عقب قرار لجنة التظلمات الظالم بالأمس برفض خصم ثلاثة نقاط إضافية من الأهلي عقب الإنسحاب من مباراة القمة، و الإكتفاء فقط بفوز الزمالك علي أهلي بثلاث أهداف مقابل لا شيء.
وكان تصريح ميدو كالأتي:-
“نظام ادارة كرة القدم في مصر عين عيال ملطوطه في مناصب مهمة غير مؤهلين علشان تعرف تتحكم فيهم وفي قراراتهم علشان تعرف تجامل اللي انت عايزه والنتيجه دوري فاشل ومن سئ ألى أسوأ ومنتخبات ضعيفة مافيهاش ولا لاعيب هيكمل ويلعب منتخب أول ومدربين مالهومش اي علاقة بعلم التدريب الحديث وجمهور معظمه مشحون في أتوبيسات تبع أحزاب سياسيه وإعلاميين بيطبلوا للاعيبه بعينهم علشان ولاد ناس مهمين وكورة بصراحة معفنه مالهاش اي علاقة بالكورة اللي بنتفرج عليها في كل حته في العالم، أحلى حاجه أن بعض الإعلاميين والمسؤولين بيعتبوا على الجمهور ليه مابيروحوش ماتشات المنتخبات فاكرين الجمهور عبيط ومش دريان بكم الفساد والمجاملات اللي موجود في الكورة في مصر اللي انتوا ماتعرفهوش أن عندنا جيل جديد بالكامل غير مهتم بمتابعة الدوري المصري من الأساس ومابيتفرجش عليها ولا مهتم بأخبارها ولا يعرف أسامي اللاعيبة اللي بتلعب في المنتخب من الأساس إلا اتنين أو ثلاث لاعيبه”.
