قصة مرعبة .. سام وأخته إندريا أبناء الشيطان

قصة مرعبة منشورة على عدد من مواقع التواصل الإجتماعي .. ننقلها إليكم كما هي مكتوبة اللغة العامية ولا أحد يعلم مدي صحتها لأن أحداثها جرت عام 1941 :

وإليكم القصة :
اللي قدامكم ديه صورة نادرة للطفلين ” سام و أخته اندريا ” او زي ما اتلقبوا بـ أبناء الشيطان وده نتيجة الحوادث المرعـبة الي حصلت بسببهما والي مكنش ليها اي تفسير غير ان الطفلين مش من البشر ،وخليني اقولك تفاصيل وأحداث القصة المرعبة ديه
سنة ١٩٤١ اتولد الطفلين التوأم سام و اندريا لأب أنجليزي و أم مغربية، من بداية ولادتهم وكان بيلاحظ ابوهم ان ولاده تصرفاتهم مش تصرفات اطفال طبيعية وده لما كان بيلاحظ انهم بيرفضوا لبن الأم أو اي نوع تاني من الألبان غير على فترات متباعدة ، بس الاغرب من كده هو انهم كانوا دايما بيتوجهوا ناحية ريحة الد.م
قال الأب “چون” انه كان عنده مزرعة صغيرة بيربي فيها بعض أنواع الدجاج والطيور ، كان بيلاحظ ان ولاده من بداية تعلمهم الزحف والحركة كانوا بيروحوا المزرعة يمسكوا الفراخ ويتغذوا عن طريق شرب دمهم ، حاجة كده اشبه بمصـ..ـ.اصي الدماء
الشئ الي اتكرر مرات كتير وهو مش لاقيله اي تفسير ، لدرجة انه عشان يحل المشكلة نقل كل الطيور من المزرعة لمكان تاني لكنه اتفاجئ انه ولاده قادرين يعرفوا المكان الي بيكون فيه الطيور وفسر ده انهم بيقدروا يشموا ريحـ..ة الد.م ويتتبعوها
فضلت الأمور ماشية على كده ظننا من الأب ان ده جايز يكون نوع من الامراض لكن الي لاحظه بعدها هو ان كل ما التوأم يكبروا ملامح وشهم بتتغير لملامح غريبة ، بدأ الشعر ينموا في كل مكان في وشهم ، الجلد نفسه بقي شكله غريب والبوق والاسنان بقي شكلهم يشبه الحيوانات بشكل كبير
الشكل كان ملحوظ جداً أنه بشـ..ع ومش طبيعي وده الي خلاه يلبسهم ماسك او قناع لما ياخدهم في الشارع او يجيلهم ضيوف، في نفس الفترة نزل تقرير في صحيفة “ذا جارديان” البريطانية بالصورة الي في البوست بعنوان التوأم الفضائي ، وده بعد ما بدأ ابوهم يكشفلهم عند الدكاتره وقصتهم بدأت تنتشر عن الحالة الغريبة للطفلين الي الكل كان معتقد انها مجرد خلل چيني
لحد ما يوصل التوأم لسن ١٠ سنين ويبدأ من هنا يتفهم الأب ان ولاده هما حاجة غير البشر ، الأطفال الي ملامحهم بقت مرعبة تختلف كلياً عن شكل الإنسان ،من وقت ولادتهم مكنوش بيتكلموا خالص ، بس أحياناً كان والدهم بيسمعهم في اوضتهم بيتكلموا مع بعض بصوت غريب وكلمات مش مفهومة
قال الأب في تصريحاته لمجلة “ذا جارديان” انه لاحظ ان والدتهم المغربية انها مش مستغربة الموضوع رغم ان المفروض تكون ملهوفة عليهم اكتر منه عشان يبدأ يشك انها ممكن تكون عارفة حاجة عن حالة ولادهم ومخبية عنه
ويبدأ بالفعل يراقبها من غير ما تحس ، عشان يتفاجئ انها بتعمل حاجة غريبة مش مفهومة ليه وقتها ، مراته كانت بتصحي في وقت متأخر من الليل لما تتأكد انه نايم وتتسحب تروح الحمام وبتكون مجهزة كلـ..ب ميـ..ت حطاه في وعاء ، تقفل باب الحمام على نفسها وتفضل تتكلم بصوت وكلام يشبه الكلام الي كان بيسمع ولاده بيتكلموا بيه كأنها بتكلم حد في الحمام
مكنش فاهم اي حاجة من الي بيتقال ، لكن بعد ما بتخلص تاخد الكلـ..ب في نفس الوعاء تروح بيه اوضة التوأم وتبدأ تتكلم معاهم ويكلموها بنفس اللغة ويختفي الكـ..لب بعد ما تخرج من عندهم وقال على الارجح انهم بياكلوه
فضل الموضوع يتكرر كل ليلة وهو بيراقبها بدون ما تحس لحد ما في ليلة قرر انها هيواجها ، وبالفعل يستناها قدام الحمام وهي خارجة بالكـ..لب في الوعاء ويبدأ يقولها انه بقاله فترة بيراقبها وانه عارف كل الي بتعمله ولو مفهمتهوش ايه الي بيحصل هيبلغ عنها الشرطة
عشان يتفاجئ برد مرعب ، مراته قالتله لا دول ولادك ولا هما بشر من الاساس ، والي بيحصل ده جزء من طقوس لكيان بيتحكم في العالم واحنا المساعدين بتوعه ، وانه لو عمل كده قبل ما يو..صل للشرطة هيكون اتقـ..تل ، لكن چون في الوقت ده مهموش التهد..يد الي اتقاله من مراته بل بالعكس

ده اصر انه يلازم يبلغ الشرطة وهيقول كل الي هي قالته ، لكن يتفاجئ وهو بيكلم مراته انه خدودها بيظهر عليها بالد.م شئ يشبه قرون الماعز ولون عينيها بيتغير للون ابيض كامل و وشها بيتملي عروق بشكل بارز ومرعب

المنظر الي خلاه يقف يبصلها وهو مذهول وعمال يترعش قبل ما تنطق بصوت خشن جداً غير صوتها الطبيعي وتقوله ” it’s up to you ” او زي ما بنقول عندنا في لغتنا الدارجة انت حر او اعمل الي يريحك

قالت الجمله ديه وسابته دخلت اوضة التوأم وهو سامعهم بيتكلموا بنفس اللغة الي مش مفهومة الي بيتكلموا بيها ، الراجل كان هيتجـ..نن وكان عايش في رعب ، لدرجة انه من بعد الي حصل كان دايما قافل على نفس الاوضة وخايف يخرج منها..
مرت الأيام وبدأ يحس چون ان الموضوع بيزداد سوء ، بدأ يشم ريحة جـ..ثث في البيت ، عشان يتفاجئ ان الموضوع بيتطور ، وده بعد ما اتأكد ان بعض الجيران اختفوا بالفعل وأيقن انهم بدأوي يقتـ..لوا الناس وياكلوا جـثثهم ، مش بس كده ده

بيقول چون انه كان عنده بيت صغير مخصص للكـلب ، اتفاجئ ان البيت ده مليان هياكل عظمية وبواقي اعضاء بشرية عليها اثار اسنان زي الحيوانات المفتـ..رسة ، وانه لقي كمان أعضاء تناسلية بشرية محطوطة في قطع قماش ، وقطع القماش ديه عليها حروف وارقام غريبة

عشان ينتهي بيه الأمر انه هيبلغ الشرطة مهما كلفه الأمر ، وبالفعل يبلغ الشرطة ويحكي كل التفاصيل من وقت ولادة الاطفال والي كان بيلاحظوا عليهم لحد الي حصل وشافه بـ عينيه

عشان تتوجه مجموعة من الشرطة ومعاهم چون لاقتحام البيت ويدخلوا اوضة الاطفال يلاقوهم قاعدين على السرير وكل واحد فيهم ماسك راس بني ادم وعمال ياكل فيها ، اما الام فا كانت واقفة قدام الاتنين مغمضة عينيها وبتطلب من افراد الشرطة انهم يمشوا من المكان فوراً

كانت بتتكلم بصوت مرعب كأن متلبس فيها كيان بيتحكم في جسمها ، لكن الشرطة مستجبتش للتحذير وحاولوا يقربوا منها عشان يقبضوا عليها ، عشان فجأة تبدأ حالة صر.اخ هستيري من جميع الافراد وچون وسطهم مش فاهم ايه الي بيحصل، الكل كان ماسك رقابته كأنه بيتخـ..نق

عشان بعد ثواني يتفاجئ چون ان ال٩ أفراد وقعوا على الارض فاقدين النطق والتنفس، وبعد ما كان فيه حالة صرا..خ وزعيق اصبح الهدوء هو السائد في المكان ، ولسه مراته مغمضة عينيها و التوأم مكملين اكل الجـثث الي كانوا بياكلوها

بيهرب چون من البيت وهو في حالة صد..مة هستيرية من الي حصل والي شافه متوجه لقسم الشرطة مرة تانية والي مكنوش مصدقين الحالة الي هو فيها ولا مصدقين الي بيقوله ويقرروا يبعتوا قوة أكبر من الظباط لاقتحام البيت

عشان يلاقوا زمايلهم الي راحوا قبلهم كل الي متبقي منهم هو هدومهم وبعض الاعضاء بس والد..م مغرق المكان وكأنها مجز..رة بمعني الكلمة ، اما الست و ولادها مكنش ليه اي اثر ولا حتي كان فيه دليل انهم خرجوا من البيت بعض فحص البصمات

القضية انتشرت واتشهرت بأسم قضية ابناء الشيطان، اتنشر تقرير مفصل عنها في مجلة “ذا جارديان” اتقال فيه ان الأم كانت بتنفذ مخطط شيطاني وانها بالفعل كانت حامل و ولدت توأم من الجن ، وانها اختفت هي وهما لمكان تحت الارض

لكن الغريب في القصة ديه انها بعد ما انتشرت على الجريدة هو ان “ميكالي” رئيس الجريدة وقتها انهم لقوا نص دماغه الشمال هو الي موجود في حمام بيته ، اما باقي جسمه ملهوش أي اثار ،اتقال انهم انقتـ..موا منه بسبب نشره للتقرير ، اما چون نفسه فا اختفي نهائياً بلا اثر ، لكن لحد وقت قريب اتقال ان چون صاحب قصة ابناء الشيطان ظهر تاني بنفس المواصفات الي اتقالت عنه في انجلترا.