شن أحمد شوبير حارس مرمى النادي الأهلي ومنتخب مصر السابق، هجوماً حاداً علي هاني سعيد المدير الرياضي بنادي بيراميدز، بعدما أغلق الهاتف خلال مكالمته مع مذيع قناة “On sports”، خلال مداخلة لتهنئته على تعادل بيراميدز مع صن داونز.
وقال شوبير،إمبارح زميلنا في قناة اون سبورت عنده ستوديو تحليلي لمباراة وانت في الاستوديو مش بتخرج عن النص، قالك نبارك لبيراميدز فكلموا هاني سعيد والمكالمة خدت 5 دقائق، وبعدين قال أنا عندي ماتش سيراميكا لازم يتأجيل والزميل بيقول الف مبروك عشان ده ستوديو تحليلي”.
واضاف شوبير خلال برنامجه، وراح هاني سعيد” قفل السكة في وشه”، المذيع وقاله أنا مش هتكلم، تخيل لو أنا مذيع عملت كده وقفلت السكة في وش ضيف هيصدر قرار بايقافي من المجلس الاعلي للاعلام وتحويلي تحقيق”.
وأشار:” ما حدث من هاني سعيد اتجاه أحد الزملاء الإعلاميين عيب، لان من المفترض انت مسؤول في نادي ويجب عليك احترام نقاش الحديث
وأتم:” كلنا سعداء بتعادل بيراميدز أمام صن داونز بالأمس، حيث أقترب من حصد لقب دوري أبطال أفريقيا، بعد تقديم أداء قوي جداً امام بطل جنوب أفريقيا.
وأختتم شوبير تصريحاته قائلاً:” مينفعش اقفل السكة ليه تعمل كده ، المذيع عمل ايه غلط ده متصل بيك في ستوديو تحليلي وبيبارك ليك ، أنا كمذيع ماليش علاقة بخناقتك مع الاهلي او الرابطة لازم يكون فيه احترام متبادل”.
