علق المخرج محمد سامي، على قرار اعتزاله الإخراج التلفزيوني، وذلك في كلمته بندوة ضمن فعاليات قمة الإعلام العربي، حيث أكد قائلا :«ما بعد الكمال النقصان.. المبدع محتاج كل فترة استراحة يفكر فيها في المشوار اللي فات، هو وصل لإيه».
وأضاف محمد سامي،: «وناقصه إيه، وإيه اللي هيرضيه، لأن بعد ما ربنا بيكرمك بنجاح كبير وتوفيق لازم توقف وتفكر، عشان متقلش، وتسأل نفسك: إيه اللي هيسعدك فعلًا؟ وتعمله، لو فضلت ماشي على نفس الطريق، هتلاقي نفسك بتقل».
وواصل: «لازم تقف وقفة مع نفسك وتشوف إيه اللي هيساعدك تكمل بشكل أفضل، يمكن عايز أقدّم نوع مختلف من الأعمال، ويمكن في نجاح أكبر من اللي حققته».
واختتم تصريحاته قائلا: «لكن دوامة الشغل مش مدّياني وقت أفكر، أي حد عايز ينجح لازم يقف مع نفسه وقفة صادقة، ويحدد هو عايز يعمل إيه الفترة الجاية».
