إمام عاشور يوجه رسالة قوية لمجلس إدارة الأهلي والجماهير بشأن تمديد عقده
وجه إمام عاشور لاعب الفريق الأول لكرة القدم بالنادي الأهلي رسالة قوية إلى مجلس إدارة النادي الأحمر وجماهير الفريق بشأن تمديد تعاقده مع النادي.
وتحدث عاشور خلال تواجده في برنامج “الكورة مع فايق” الذي يقدمه الإعلامي إبراهيم فايق بقناة “إم بي سي مصر 2″ على ما أثير وتردد مؤخرًا بشأن طلبه زيادة عقده، بعد قدوم تريزيجيه وزيزو وبن شرقي وبن رمضان، قائلًا “كل اللعيبة اللي هتنضم لينا أسماء كبيرة وهيضيفوا لينا والنادي الأهلي هيضيف ليهم، سواء بن رمضان أو تريزيجيه أو الصفقة الأخرى المحتملة وإن شاء الله يضيفوا لينا، وغير صحيح إطلاقًا إني طلب زيادة عقدي، وبوظت أوضة اللبس مفيش الكلام ده في الأهلي”.
وأضاف عاشور “أنا باقي لي موسمين مع الأهلي ومش هتكلم عن زيادة عقدي إلا لما حد يتكلم معايا والناس بيتعاملوا معايا كلها احترام وتقدير، وهما عايزني على طول مبسوط، وانا تحت أمر النادي الأهلي في أي وقت وعمري ما هرفض أي عرض من الأهلي أو تعديل العقد”.
وأتم “عندي عروض كتير، مفيش حد بيلعب في الأهلي أو الزمالك أو بيراميدز إلا وبيكون عنده عروض، مش هاعمل حاجة تغضب جمهور الأهلي أو الإدارة ولو قالولي أي حاجة مش هعترض وهقابل علطول، إمام مكمل مع النادي الأهلي وأنا تحت أمر النادي الأهلي ولو هناك تفاوض مع القلعة الحمراء بشأن تجديد عقدي سأترك لهم تحديد ما يريدونه وسأوافق عليه”.
