قال أحمد شوبير حارس مرمى النادي الأهلي ومنتخب مصر الأسبق، بيراميدز سيخوض مواجهة قوية الليلة أمام صن داونز، لذلك اتمني ان يفوز ممثل الكرة المصرية
واضاف شوبير في تصريحات عبر برنامجه:”في كل الأحوال الناس لازم تقف جنب بيراميدز كل واحد ومشاعره الداخلية اللي حاسس إنه قادر يروح يشجع يروح واللي مش قادر دي مشاعرع وبراحته».
وأشار:”بس حد هيقول لي يا كاتبن مش حاسين إن فيه نهائي في مصر، بصوا يا جماعة أنا هنا هتكلم بصراحة، لو الأهلي أو الزمالك أو الإسماعيلي هو اللي بيلعب كان زمان مصر مقلوبة ده طبيعي جدا دي الأندية الشعبية قوتها في جماهيرتها لكن الجماهير لوحدها مش كفاية عشان تكسب ما الأهلي خرج أمام صن داونز والاستاد مليان جماهير».
وأوضح:”آه الدولة هتحشد والدكتور أشرف صبحي هيجيب جماهير لكن مش هتقول لنادي مثلا يجيب جماهيره عشان تشجع نادي تاني محصلش ومش هيحصل، لكن طبيعي الدولة تشحن مادام على حساب نادي بيراميدز»
وأختتم شوبير تصريحاته قائلاً:” كل المصريين يتمنون فوز بيراميدز بلقب دوري أبطال أفريقيا هذا الموسم، لأنه بيمثل الكرة المصرية وبيلعب باسم الكرة المصرية، لذلك الجميع يتمنى له الفوز.
والجدير بالذكر أن بيراميدز يستضيف صن داونز، في الثامنة مساءً اليوم الأحد علي ملعب ستاد الدفاع الجوي، في إطار منافسات الجولة الإياب لنهائي دوري أبطال أفريقيا.
