شن أحمد شوبير حارس مرمى النادي الأهلي ومنتخب مصر الأسبق، هجوماً حاداً علي المهندس هاني أبوريدة رئيس الاتحاد المصري لكرة القدم.
وقال شوبير:” الاتحاد المصري لكرة القدم لازم اللي يدير يكون من جوا الاتحاد، مينفعش يدار من بره، لأن التواجد داخل جدران الاتحاد المصري شرف لأي شخص.
وأضاف شوبير في تصريحات عبر برنامجه الإذاعي:”بقول للمهندس هاني أبوريدة زي ما انت مركز بره لازم تركز جوه لأن دا كمان مهم جدا، وعين حد لو عايز مثلا عين مستشار فني براحتك، عشان برضه يبقي له قيمة
وأشار:”بشمهندس هاني أزمة التحيكم بتاعت ماتش الأهلي والزمالك سببها كان مين؟ انت عارف كويس مين، أنا بقولك بوضوح أنت راجل شديد الاحترام بس زي ما أنت مهتم بـ بره لازم تهتم بـ جوه».
وأتم:”انت جيت بالتزكية انت ومجلس خلاص في وقت مكنش حد يتوقع أنك ترجع مرة تانية لازم حضرتك تكون قد الثقة في مصر، دي مش كرة، صمم على قرارك ودير من جوه مينفعش من برا».
وأختتم شوبير تصريحاته قائلاً:” انا حزين علي مايحدث في إدارة شؤون كرة القدم من قبل الاتحاد المصري لكرة القدم، برئاسة المهندس هاني أبوريدة.
