دار الإفتاء تطلق دورة تدريبية في منهجية الرد على الأسئلة الوجودية الكبرى، بعنوان: “ابني بيسأل”

في سن المراهقة، أولادنا بيمروا بتغيّرات نفسية وفكرية كبيرة، وبيبدأوا يسألوا أسئلة زي:

“ليه ربنا خلقنا؟” “ليه في ناس بتتألم؟” “هو الموت بيخوف ليه؟” “هو الشر ليه موجود في العالم؟” أسئلة ممكن تخلّيهم يحسّوا بقلق أو حيرة، وتأثر على نفسيتهم وتوازنهم الاجتماعي.

ومع سرعة التغيرات في المجتمع وكثرة المعلومات اللي بتيجي من كل حتة، الآباء والأمهات وكل مقدمي الرعاية زي الأخصائيين الاجتماعيين والمدرسين في المدارس بيكونوا قدّام تحدي كبير:

إزاي يردوا على الأسئلة دي بشكل علمي، وشرعي، ومتّزن؟

علشان كدا دار الإفتاء المصرية بتعلن عن إطلاق دورة تدريبية مهمة من خلال مركز التدريب بالدار، في منهجية الرد على الأسئلة الوجودية الكبرى، بعنوان: ابني بيسأل؟، وتحت شعار: استمع بعمق.. تعامل بحكمة.

والمركز بينظم الدورة دي مخصوص علشان نقدر ندعم كل اللي بيتعامل مع أبنائنا في سن المراهقة، ونزوّدهم بالمعارف والمهارات اللي تساعدهم إنهم يفهموهم ويوجهوهم صح في المرحلة العمرية الخطيرة اللي بيمروا بيها.

• موعد ومدة الدورة: يوم السبت (سيتم تحديده لاحقًا)، بنظام اليوم التدريبي الكامل.

• مكان التدريب: مركز التدريب بدار الإفتاء المصرية بالقاهرة.

• التسجيل: من خلال هذا الرابط: https://2u.pw/IFpA9

• ولمزيد من الاستفسارات: (واتساب مركز التدريب: 01282282892).

وخلينا نكون دايمًا سند لولادنا وطلابنا في المرحلة اللي محتاجين فيها يسمعوا صوت عاقل وفاهم يدلهم على الطريق.